نئی دہلی: ایران کے سپریم لیڈر آیت اللہ علی خامنہ ای کی موت پر دنیا بھر میں تعزیتی پیغامات کا سلسلہ جاری ہے۔ بھارت میں بھی سیاسی اور سماجی حلقوں کی جانب سے گہرے رنج و غم کا اظہار کیا جا رہا ہے۔ اسی سلسلے میں بھارتیہ جنتا پارٹی کے سینئر لیڈر مختار عباس نقوی نے نئی دہلی میں واقع ایرانی سفارت خانے کا دورہ کر کے مرحوم لیڈر کو خراج عقیدت پیش کیا اور ایرانی سفیر سے ملاقات کر کے تعزیت کا اظہار کیا۔ ایرانی سپریم لیڈر آیت اللہ علی خامنہ ای کی وفات کو ایران کے لیے ایک بڑا نقصان قرار دیا جا رہا ہے۔ بھارت اور ایران کے درمیان تاریخی اور ثقافتی تعلقات رہے ہیں اور اسی تناظر میں بھارتی قیادت نے بھی اس سانحے پر افسوس کا اظہار کیا ہے۔ اس سے قبل بھارت کے خارجہ سکریٹری وکرم مصری نے 5 مارچ 2026 کو نئی دہلی میں ایرانی سفارت خانے پہنچ کر تعزیتی کتاب میں اپنے تاثرات درج کیے اور مرحوم سپریم لیڈر کو خراجِ عقیدت پیش کیا تھا۔
आज नई दिल्ली में ईरान इस्लामी गणराज्य के दूतावास पहुँच कर ईरान के राजदूत H.E. डॉ. मोहम्मद फतह अली @IranAmbIndia से मुलाकात कर सुप्रीम लीडर एवं महान आध्यात्मिक शख्सियत आयतुल्लाह अली खामेनई जी की शहादत पर अपनी भावभीनी श्रद्धांजलि अर्पित की। pic.twitter.com/TYEiTxG3H3
— Mukhtar Abbas Naqvi (@naqvimukhtar) March 9, 2026
ایرانی سفارت خانے سے باہر آ کر میڈیا سے گفتگو کرتے ہوئے مختار عباس نقوی نے کہا کہ وہ یہاں ایران کے سپریم لیڈر کو خراجِ عقیدت پیش کرنے کے لیے آئے تھے۔ انہوں نے ایرانی سفیر سے ملاقات کی اور دل کی گہرائیوں سے تعزیت کا اظہار کیا۔ نقوی نے کہا کہ بھارت، جسے بدھ کی دھرتی بھی کہا جاتا ہے، ہمیشہ سے امن اور بھائی چارے کا حامی رہا ہے۔ انہوں نے مزید کہا کہ بھارت کے وزیر اعظم نریندر مودی نے بھی مسلسل اس بات پر زور دیا ہے کہ دنیا کے کسی بھی مسئلے کا حل جنگ نہیں بلکہ مذاکرات اور امن کے راستے سے نکل سکتا ہے۔ نقوی کے مطابق موجودہ عالمی حالات میں ضروری ہے کہ تنازعات کو طاقت کے بجائے سفارت کاری اور مکالمے کے ذریعے حل کیا جائے۔ انہوں نے دعا کی کہ موجودہ بحران کے سمندر سے جلد ہی امن کا پیغام نکلے اور خطے میں استحکام قائم ہو۔
#WATCH | Delhi: BJP leader Mukhtar Abbas Naqvi says, “We came here to pay tribute to Iran’s Supreme Leader, Hazrat Ali Khamenei. We also met with the Iranian Ambassador. I offered my heartfelt tribute and condolences. India, the land of Buddha, has always been a supporter of… https://t.co/h3UrAbojPn pic.twitter.com/LbW7qMS06t
— ANI (@ANI) March 9, 2026
ادھر بھارت کی سب سے بڑی اپوزیشن جماعت کانگریس کے ایک وفد نے بھی ایرانی سفارت خانے جا کر آیت اللہ خامنہ ای کو خراج عقیدت پیش کیا۔ اس وفد میں کانگریس کے سینئر لیڈر سلمان خورشید اور پارٹی ترجمان پون کھیڑا سمیت دیگر لیڈر شامل تھے۔ وفد نے ایران کے سپریم لیڈر کے بھارت میں نمائندے سے ملاقات بھی کی اور تعزیتی پیغام دیا۔ آیت اللہ خامنہ ای کے انتقال کے بعد نئی دہلی میں واقع ایرانی سفارت خانے میں تعزیت کے لیے سیاسی لیڈروں اور مختلف شعبہ ہائے زندگی سے تعلق رکھنے والے افراد کی آمد کا سلسلہ جاری ہے۔ کئی اہم شخصیات نے سفارت خانے پہنچ کر تعزیتی کتاب میں اپنے پیغامات درج کیے۔
Our heartfelt condolences to the blessed and brave people of Iran. pic.twitter.com/pTTkkWx4GI
— Pawan Khera 🇮🇳 (@Pawankhera) March 6, 2026
دوسری جانب بعض بھارتی شہروں میں خامنہ ای کی موت کے بعد مظاہروں کی اطلاعات بھی سامنے آئی ہیں، جس کے باعث سیکیورٹی انتظامات سخت کر دیے گئے ہیں۔ ایران کے سرکاری ٹیلی وژن کے مطابق ملک کی قیادت کے حوالے سے اہم فیصلہ کرتے ہوئے آیت اللہ خامنہ ای کے صاحبزادے مجتبیٰ خامنہ ای کو نیا سپریم لیڈر منتخب کر لیا گیا ہے۔ انہیں طویل عرصے سے اس منصب کا مضبوط امیدوار سمجھا جا رہا تھا۔ تاہم وہ اس سے قبل کسی سرکاری یا منتخب عہدے پر فائز نہیں رہے تھے۔ نئے سپریم لیڈر کے انتخاب کے بعد ایران کی داخلی اور خارجی پالیسیوں پر بھی عالمی برادری کی نظریں مرکوز ہیں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
