Manoj Tiwari joins Jagannath Rath Yatra: دہلی میں جگن ناتھ رتھ یاترا میں شریک ہوئے بی جے پی ایم پی منوج تیواری، کہا-بھائی چارے کا پیغام دیتی ہے جگن ناتھ یاترا

بھارتیہ جنتا پارٹی کی دہلی یونٹ کے صدر اور ایم پی منوج تیواری نے اتوار کے روز دہلی میں منعقدہ جگن ناتھ رتھ یاترا میں شرکت کی۔ یہ روحانی یاترا دہلی کے حوض خاص کے جگن ناتھ مندر سے شروع ہوئی، جہاں ہزاروں عقیدت مندوں نے یاترا میں شامل ہو کر بھگوان جگن ناتھ کے درشن حاصل کیے۔

منوج تیواری نے مرکزی وزیر دھرمیندر پردھان کے ساتھ رتھ کھینچنے میں بھی حصہ لیا۔ ہندو عقیدے کے مطابق رتھ کھینچنا نیک کام سمجھا جاتا ہے اور یہ پچھلے گناہوں کے کفارے کا ذریعہ بھی مانا جاتا ہے۔ منوج تیواری نے کہا کہ ’’یہ میرے لیے فخر اور خوشی کا لمحہ ہے کہ میں اس عظیم روایت کا حصہ بنا۔‘‘

जय जगन्नाथ.. आज भगवान जगन्नाथ की रथयात्रा में भाग लिया.. चिलचिलाती धूप में अद्भुत उत्साह.. दिल्ली की सड़कों पर.. उड़िया भाई बहनों के साथ.. #RathYatra #RathYatraFestival #JaiJagannath pic.twitter.com/6nYy4KETXc

— Manoj Tiwari (@ManojTiwariMP) June 27, 2025

آپسی بھائے چارے کا پیغام دیتی ہے جگن ناتھ یاترا: منوج تیواری

منوج تیواری کی موجودگی سے یاترا میں جوش اور بھی بڑھ گیا اور شرکاء نے ’’جے جگن ناتھ‘‘ اور ’’ہرے کرشنا‘‘ کے نعروں سے ماحول کو مزید روحانی بنا دیا۔ مندر کے احاطے میں شنکھ دھونی، بھجن اور روایتی موسیقی کی گونج سنائی دی، جو اس عظیم تہوار کی مذہبی اہمیت کو اجاگر کرتی ہے۔

منوج تیواری نے میڈیا سے بات کرتے ہوئے کہا کہ ’’یہ یاترا نہ صرف بھگوان کے درشن کا موقع ہے بلکہ ہمیں آپسی بھائی چارے اور عقیدت کا پیغام بھی دیتی ہے۔‘‘ دریں اثنا ملک بھر کے دیگر شہروں کے ساتھ ساتھ اوڈیشہ کے بالاسور میں بھی دھوم دھام سے جگن ناتھ یاترا نکالی گئی، جس میںلاکھوں عقیدت مندوں نے شرکت کی۔ اس موقع پر بی جے پی کے قومی صدر امت شاہ نے بھی احمد آباد میں منگل آرتی میں شرکت کی۔

بھارت ایکسپریس اردو