نئی دہلی: دارالحکومت دہلی میں بھارتیہ جنتا پارٹی کے سینئر لیڈر اور رکن پارلیمنٹ روی شنکر پرساد کے سرکاری رہائش گاہ میں آگ لگنے کا واقعہ پیش آیا، جس سے علاقے میں کچھ دیر کے لیے افرا تفری مچ گئی۔ واقعہ منگل کی صبح پیش آیا جب ان کے گھر کے ایک کمرے میں اچانک آگ بھڑک اٹھی۔ اطلاع ملتے ہی دہلی فائر سروس کی ٹیمیں فوری طور پر موقع پر پہنچ گئیں اور تقریباً بیس منٹ کی کارروائی کے بعد آگ پر مکمل طور پر قابو پا لیا گیا۔ خوش قسمتی سے اس حادثے میں کسی کے زخمی ہونے کی کوئی اطلاع نہیں ہے۔
आज मेरे दिल्ली आवास में एक बाहर के कमरे में संभवतः शॉर्ट सर्किट से आग लगी, जिससे कुछ घरेलू सामानों को नुकसान पहुंचा है। मैं स्वयं, पत्नी और मेरा पुत्र पटना में हैं। सुबह ही फायर ब्रिगेड ने त्वरित कार्रवाई करके आग बुझा दी, बाकी जांच चल रही है। हम सभी सुरक्षित हैं। सभी के…
— Ravi Shankar Prasad (@rsprasad) January 14, 2026
فائر ڈپارٹمنٹ کے مطابق صبح تقریباً آٹھ بج کر پانچ منٹ پر کنٹرول روم کو ایک کال موصول ہوئی جس میں کوٹھی نمبر دو میں آگ لگنے کی اطلاع دی گئی۔ ابتدائی جانچ کے دوران یہ واضح ہوا کہ آگ دراصل کوٹھی نمبر اکیس میں لگی تھی، جو کہ بی جے پی لیڈر روی شنکر پرساد کی رہائش گاہ ہے۔ اطلاع ملتے ہی دہلی فائر سروس کی تین گاڑیاں فوری طور پر جائے وقوعہ کے لیے روانہ کی گئیں۔
فائر سروس کے اہلکاروں نے موقع پر پہنچ کر دیکھا کہ گھر کے ایک کمرے میں بستر میں آگ لگی ہوئی ہے۔ ٹیم نے فوراً آگ بجھانے کی کارروائی شروع کی اور ساتھ ہی گھر میں موجود تمام افراد کو بحفاظت باہر نکال لیا گیا۔ بروقت کارروائی کی وجہ سے آگ دیگر کمروں تک پھیلنے سے پہلے ہی بجھا دی گئی، جس سے بڑے نقصان کا خدشہ ٹل گیا۔
سب فائر آفیسر سریش ایم نے میڈیا کو بتایا کہ اطلاع ملتے ہی فائر ٹیم نے فوری ردعمل دیا۔ ایک ہی کمرے تک محدود آگ کو کم وقت میں قابو میں کر لیا گیا۔ انہوں نے کہا کہ واقعے کی اطلاع اعلیٰ افسران کو دے دی گئی ہے اور آگ لگنے کی اصل وجہ جاننے کے لیے تحقیقات جاری ہیں۔ فی الحال کسی قسم کے بڑے مالی نقصان کی تصدیق نہیں ہوئی ہے۔ واقعے کے بعد فائر ڈپارٹمنٹ نے پورے مکان کی تفصیلی جانچ کی تاکہ کسی اور ممکنہ خطرے کو روکا جا سکے۔ ابتدائی معائنے میں کسی اضافی خطرے یا دوبارہ آگ لگنے کے آثار نہیں ملے۔ فارنسک ماہرین بھی جائے وقوعہ پر پہنچے اور شواہد اکٹھا کیے گئے ہیں۔ حکام کا کہنا ہے کہ رپورٹ آنے کے بعد ہی آگ لگنے کی حتمی وجہ واضح ہو سکے گی۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
