ممبئی بی جے پی کے صدر آشیش شیلار
اجیت پوار کی این سی پی کی جانب سے نواب ملک کو ٹکٹ دینے کے بعد مہاراشٹر میں سیاسی ہلچل تھمنے کے آثار نظر نہیں آ رہے ہیں۔ اس کو لے کر مہاوتی میں ہنگامہ بپا ہے۔ جہاں ایک ناتھ شنڈے کی شیو سینا نے نواب ملک کی سیٹ سے اپنا امیدوار کھڑا کیا ہے، وہیں بی جے پی نے نواب ملک کے لیے مہم چلانے سے صاف انکار کر دیا ہے۔ ادھر ممبئی بی جے پی کے صدر آشیش شیلار کا بیان بھی سامنے آیا ہے۔
اے این آئی سے بات کرتے ہوئے آشیش شیلار نے کہا، “اجیت پوار کو انہیں ٹکٹ نہیں دینا چاہیے تھا، مہاراشٹر میں بہت سے لوگ ایسا ہی سوچتے ہیں۔ آشیش شیلار نے کہا کہ ان کے خلاف جس طرح کے سنگین الزامات اور چارج شیٹ دائر ہیں مہاراشٹر کے عوام اسے کبھی بھی قبول نہیں کریں گے۔ انہوں نے کہا کہ بی جے پی ایسے لوگوں کے لیے مہم نہیں چلائے گی۔
#WATCH | #MaharashtraElection2024 | On NCP candidate Nawab Malik, Mumbai BJP chief Ashish Shelar says, “Ajit Pawar should not have given a ticket to him, there are several people in Maharashtra who think this. The kind of serious allegations and chargesheet he has against him can… pic.twitter.com/5rE4FZTt8N
— ANI (@ANI) October 31, 2024
نواب ملک ضمانت پر، یہ یاد رکھیں – شیلار
نواب ملک کے اس بیان پر کہ ‘اجیت پوار کے بغیر مہاراشٹر میں کوئی حکومت نہیں بن سکتی’، ممبئی بی جے پی کے سربراہ آشیش شیلار نے کہا، “نواب ملک کو یہ نہیں بھولنا چاہئے کہ وہ ضمانت پر ہیں انہیں یہ یاد رکھنا چاہئے۔
بھارت ایکسپریس۔
