مرکزی وزیر کرن رجیجو
نئی دہلی: مرکزی وزیر کرن رجیجو نے وقف ایکٹ میں ترمیم کا بل لوک سبھا میں پیش کیا۔ اس دوران لوک سبھا میں اپوزیشن پارٹیوں نے اس بل کی مخالفت کی ہے۔ اسپیکر اوم برلا نے کہا کہ آپ لوگ شور نہ مچائیں۔ جن اراکین نے نوٹس دیا ہے انہیں بولنے کا موقع دیا جائے گا۔ کانگریس نے اس بل کو حقوق پر چوٹ قرار دیا ہے۔
#WATCH | Union Minister of Minority Affairs Kiren Rijiju moves Waqf (Amendment) Bill, 2024 in Lok Sabha pic.twitter.com/g65rf2tDow
— ANI (@ANI) August 8, 2024
’’کیا غیر ہندو ایودھیا مندر بورڈ میں ہو سکتا ہے شامل‘‘
کانگریس ایم پی کے سی وینوگوپال نے کہا کہ یہ بل آئین کے خلاف ہے۔ جائیدادیں وقف بورڈ کو عطیہ کرنے والے لوگوں کے ذریعے آتی ہیں۔ اس بل کے ذریعے حکومت یہ شرط بنا رہی ہے کہ غیر مسلم بھی گورننگ کونسل کے رکن بن سکتے ہیں۔ میں حکومت سے پوچھنا چاہتا ہوں کہ کیا کوئی غیر ہندو ایودھیا ٹیمپل بورڈ کا حصہ بن سکتا ہے؟ غیر مسلموں کو کونسل کا حصہ بنانا مذہبی آزادی کے حق پر حملہ ہے۔ انہوں نے کہا کہ اب آپ کہہ رہے ہیں کہ آپ آئین کو بچا رہے ہیں، ایسا نہیں ہے۔ حکومت اس وقت مسلمانوں کو نشانہ بنا رہی ہے، پھر عیسائی، جین، پارسی نشانہ بنیں گے۔ ہم ہندو بھی ہیں لیکن ساتھ ہی دوسرے مذاہب کا بھی احترام کرتے ہیں۔
#WATCH | Congress MP KC Venugopal opposes Waqf (Amendment) Bill, 2024 in Lok Sabha
He says, “This bill is a fundamental attack on the Constitution…Through this bill, they are putting a provision that non-Muslims also be members of the Waqf governing council. It is a direct… pic.twitter.com/ISzfV2PB6Y
— ANI (@ANI) August 8, 2024
آئین پر حملہ ہے بل
کانگریس ایم پی کے سی وینوگوپال نے کہا کہ یہ بل آئین میں دیئے گئے حقوق پر حملہ ہے۔ اس بل کے ذریعے آئین پر حملہ کیا جا رہا ہے۔ حکومت نے یہ بل ہریانہ اور مہاراشٹر میں ہونے والے انتخابات کو ذہن میں رکھتے ہوئے لایا ہے۔
بھارت ایکسپریس۔
