Bihar Politics: جے ڈی یو کا چارج سنبھالتے ہی ایکشن موڈ میں آئے نتیش کمار، آج ریاستی انچارجوں اور صدور سے کریں گے ملاقات

Bihar Politics: جنتا دل (یونائیٹڈ) کی کمان سنبھالنے کے بعد بہار کے وزیر اعلی نتیش کمار حرکت میں آگئے ہیں۔ پارٹی کا قومی صدر بننے کے 24 گھنٹے کے اندر وہ آج ایک میٹنگ کرنے والے ہیں۔ معلومات کے مطابق وہ آج صبح 10 بجے ریاستوں کے انچارجوں اور صدور سے ملاقات کریں گے۔ خبر ہے کہ دیگر ریاستوں کے جے ڈی یو لیڈر چاہتے ہیں کہ نتیش کمار ان سے بھی ملاقات کریں۔ نتیش بہار حکومت کے اچھے کام کاج اور ملک بھر میں ذات پات کی مردم شماری کی خوبیوں کو فروغ دیں گے۔ نتیش کمار اس مہم کا آغاز اگلے سال جنوری کے مہینے میں جھارکھنڈ سے کریں گے۔ لوک سبھا انتخابات سے عین قبل نتیش کا یہ نیا اقدام ان کے اور ان کی پارٹی کے لیے بہت فائدہ مند ہے۔

قابل ذکر ہے کہ بہار کے وزیر اعلی نتیش کمار کو جمعہ کو پارٹی کی قومی ایگزیکٹو میٹنگ میں جنتا دل کا صدر منتخب کیا گیا۔ اس میٹنگ میں اپوزیشن جماعتوں کو اکٹھا کرنے اور مردم شماری کے مطالبے کی قیادت کرنے میں ان کے کردار کو سراہا گیا۔ جے ڈی (یو) کے سینئر لیڈر اور چیف ترجمان کے سی تیاگی نے کہا کہ راجیو رنجن سنگھ عرف للن سنگھ نے اپنے عہدے سے استعفیٰ دے دیا اور نتیش کمار کو صدر بنانے کی تجویز پیش کی، جسے انہوں نے قبول کر لیا۔

یہ بھی پڑھیں- Shashi Tharoor On Ram Mandir: ششی تھرور نے پی ایم نریندر مودی پر طنزکرتے ہوئے کئی سوال اٹھائے،اچھے دنوں کا کیا ہوا؟ ہر سال 2 کروڑ نوکریاں دینے کے وعدے کا کیا ہوا؟ معاشی ترقی کا کیا ہوا؟

बिहार के यशस्वी मुख्यमंत्री श्री नीतीश कुमार जी को पुनः जदयू का राष्ट्रीय अध्यक्ष बनने पर बधाई एवं शुभकामनाएं।@Jduonline @NitishKumar #NitishKumar #JDU #Bihar pic.twitter.com/iwoVPVyR8x

— Md Zama khan (@BhaiZamakhan) December 30, 2023

بعد میں نامہ نگاروں سے بات کرتے ہوئے تیاگی نے کہا، ’’قومی کونسل نے قومی ایگزیکٹو کے اس فیصلے کو منظوری دی جس میں للن سنگھ کے استعفیٰ کے بعد نتیش کمار کو متفقہ طور پر نیا صدر منتخب کیا گیا۔‘‘ میٹنگ ختم ہونے کے بعد، سنگھ اور تیاگی کی موجودگی میں، نتیش کمار نے کہا، “للن سنگھ نے استعفیٰ دے دیا ہے۔” ہم نے دوبارہ قومی صدر کا عہدہ قبول کیا ہے۔

-بھارت ایکسپریس