بھارت اور ٹرینیڈاڈ اور ٹوباگو کے درمیان دیرینہ ثقافتی رشتوں کو اجاگر کرتے ہوئے پورٹ آف اسپین میں وزیر اعظم کا شاندار استقبال کیا گیا۔ اس موقع پر ایک شاندار بھوجپوری چوتال بھی پیش کی گئی، جسے پی ایم مودی نے بہت پسند کیا۔ اس بھوجپوری چوتال پرفارمنس کی تعریف کرتے ہوئے پی ایم مودی نے سوشل میڈیا پلیٹ فارم ’ایکس‘ پر لکھا کہ ’’غیر معمولی ثقافتی تعلقات! پورٹ آف اسپین میں بھوجپوری چوتال پرفارمنس دیکھ کر بہت خوشی ہوئی۔ ٹرینیڈاڈ اور ٹوباگو اور بھارت کے درمیان رابطہ خاص طور پر مشرقی یوپی اور بہار کے کچھ حصوں کے درمیان قابل ذکر ہے۔‘‘
एगो अनमोल सांस्कृतिक जुड़ाव !
बहुत खुशी भइल कि पोर्ट ऑफ स्पेन में हम भोजपुरी चौताल प्रस्तुति के प्रदर्शन देखनी. त्रिनिदाद एंड टोबैगो आ भारत, खास करके पूर्वी यूपी आ बिहार के बीच के जुड़ाव उल्लेखनीय बा। pic.twitter.com/A6Huogo7CJ
— Narendra Modi (@narendramodi) July 4, 2025
سوہاری کے پتّے میں کھانا پروسے جانے پر کیا خوشی کا اظہار
وزیر اعظم مودی نے ٹرینیڈاڈ اور ٹوباگو کی وزیر اعظم کملا پرساد بِسیسر کی جانب سے دیے گئے شاندار اور روایتی عشائیے میں بھی شرکت کی۔ اس عشائیے کے دوران وزیر اعظم مودی کوسوہاری کے پتّے پرکھانا پیش کیا گیا، جو ٹرینیڈاڈ اور ٹوباگو کےعوام، خاص طور پر ہندوستانی نژاد افراد کے لیے گہری ثقافتی اہمیت رکھتا ہے۔
وزیر اعظم مودی نے سوشل میڈیا پلیٹ فارم ’ایکس‘ پر پوسٹ کرتے ہوئے لکھا کہ ’’وزیر اعظم کملا پرساد بِسیسر کی جانب سے دیے گئے عشائیہ میں سوہاری کے پتّے پرکھانا پیش کیا گیا، جو ٹرینیڈاڈ اور ٹوباگو کے عوام، خاص طور پر ہندوستانی نژاد افراد کے لیے گہری ثقافتی اہمیت رکھتا ہے۔ یہاں تہواروں اور دیگر خصوصی مواقع پر اکثر اسی پتّے پرکھاناپیش کیا جاتا ہے۔‘‘
واضح رہے کہ پی ایم مودی کا ٹرینیڈاڈ اور ٹوباگو کا دورہ 2 جولائی سے 9 جولائی تک ہونے والے ایک وسیع تر پانچ ممالک کے دورے کا حصہ ہے۔ ٹرینیڈاڈ اور ٹوباگو میں ان کا قیام، جو ان کے دورے کا دوسرا مرحلہ ہے، توقع ہے کہ ڈیجیٹل فائنانس، قابل تجدید توانائی، صحت اور انفارمیشن ٹیکنالوجی جیسے شعبوں پر توجہ مرکوز کرتے ہوئے دو طرفہ تعلقات کو فروغ ملے گا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
