مرکزی وزیر جتیندر سنگھ نے سنیتا ولیمس کو ہندوستان کی بیٹی قرار دیا ہے۔
اسپیس ایکس کا خلائی جہازخلا میں پھنسے ہوئے ناسا کے دوخلابازوں کولے کرزمین کی طرف روانہ ہوگیا ہے۔ بوچ ولموراورسنیتا ولیمس اسپیس ایکس کے ڈریگن خلائی جہازمیں سوارہوکرزمین کی طرف آرہے ہیں۔ ہندوستانی وقت کے مطابق، بدھ کی صبح 3.27 بجے فلوریڈا کے ساحل پراترنے کی توقع ہے۔ سنیتا ولیمس کی زمین پرواپسی کے حوالے سے ہندوستان میں بھی خوشی کی لہردوڑ گئی ہے۔
سنیا ولیمس ہندوستان کی بیٹی: مرکزی وزیر
مرکزی وزیرجتیندرسنگھ نے منگل کو ناسا کی خلا بازسنیتا ولیمس کوہندوستان کی بیٹی کہا ہے۔ انہوں نے کہا کہ دنیا سنیتا ولیمس اوربوچ ولمورکے لوٹنے کا انتظار کررہی ہے، جنہوں نے بین الاقوامی خلائی اسٹیشن پرتقریباً 9 ماہ گزارے ہیں۔ انہوں نے یہ بھی کہا کہ ملک کو ان پر فخر ہے۔ ان کی محفوظ واپسی کے لئے ملک دعا کررہا ہے۔ انہوں نے (سنیتا ولیمس) ہندوستان کی بیٹی ہونے کے ناطے پوری دنیا کو فخر محسوس کرنے کا موقع دیا ہے۔ انہوں نے اس کام کو کامیابی کے ساتھ مکمل کیا ہے، جو انہیں سونپا گیا تھا۔
सुनीता विलियम्स की वापसी पर केंद्रीय मंत्री जितेंद्र सिंह का X पोस्ट.#SunitaWilliams #pmmodi #NASA #jitendrasingh #xpost #SpaceX #Crew9 #ISS #AstronautReturn #SpaceMission #isro #Homecoming #BharatExpress | @DrJitendraSingh @isro pic.twitter.com/0DPPJ0PlVf
— Bharat Express (@BhaaratExpress) March 18, 2025
سنیتا ولیمس کی ہندوستانی جڑوں کا ذکر
مرکزی وزیرجتیندرسنگھ نے کہا کہ ایک بہت ہی خوش آئند اتفاق یہ ہے کہ آج خود وزیراعظم نریندرمودی نے پارلیمنٹ میں مہا کمبھ پربیان دیا اوراتفاق سے سنیتا ولیمس نے بھی کمبھ کے لیے نیک خواہشات کا اظہار کیا ہے۔ انہوں نے سنیتا ولیمس کی گجرات میں ہندوستانی جڑوں کا بھی ذکرکیا۔
وزیراعظم مودی نے یکم مارچ کوسنیتا ولیمس کو لکھا خط
انہوں نے اس بات پربھی زوردیا کہ ہندوستانی خلائی سائنسدان بین الاقوامی سطح پرہلچل پیدا کررہے ہیں۔ جب وزیراعظم نریندرمودی کے سنیتا ولیمس کویکم مارچ کو لکھے گئے خط کے بارے میں پوچھا گیا تو وزیر مملکت نے کہا، “ان کے اورہندوستان کے درمیان بہت گہرا تعلق ہے، اوریقیناً گجرات، جس ریاست سے وہ تعلق رکھتی ہیں”۔ یہ اس بات کا بھی اشارہ ہے کہ ناسا سمیت ہندوستان سے باہرزیادہ ترخلائی ایجنسیوں کے پاس اب اپنے زیادہ تراہم مشن کی قیادت ہندوستانی لڑکے اورلڑکیوں سے کروا رہی ہیں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
