بھارت کے وزیر داخلہ امت شاہ نے لوک سبھا کے اسپیکر اوم برلا کو یوم پیدائش کی مبارکباد دی۔ انہوں نے لوک سبھا کے اسپیکر کی حیثیت سے اوم برلا کے کاموں کی تعریف کرتے ہوئے ان کی طویل عمر کی دعا کی۔ وزیر داخلہ امت شاہ نے اوم برلا کی تعریف کرتے ہوئے کہا کہ ان کی قیادت میں ایوان میں جمہوری اقدار کو تحفظ مل رہا ہے۔ وزیر داخلہ نے یہ بھی کہا کہ اوم برلا کی لیڈرشپ میں ایوان میں جمہوری طریقے سے مثبت بحث و مباحثے کا ماحول قائم ہوا ہے، جس کے لئے ان کی تعریف کی جانی چاہئے۔
اپنے ایکس اکاؤنٹ پر وزیر داخلہ نے لکھا کہ، ’’لوک سبھا کے اسپیکر اوم برلا جی کو جنم دن کی دلی مبارکباد۔ آپ کی قیادت میں ایوان مثبت مباحثوں اور جمہوری اقدار کے تحفظ کا ایک خوبصورت دور دیکھ رہا ہے۔ میں خدا سے آپ کی بہتر صحت اور طویل عمر کی دعا کرتا ہوں۔‘‘
گجرات کے وزیر اعلیٰ نے بھی دی مبارکباد
گجرات کے وزیر اعلیٰ بھوپیندر پٹیل نے بھی لوک سبھا کے اسپیکر کو یوم پیدائش کی مبارکباد دی۔ انہوں نے اپنے سرکاری ایکس اکاؤنٹ پر لکھا،’’معزز لوک سبھا اسپیکر اوم برلا جی کو جنم دن کی دلی مبارکباد۔ پارلیمانی نظام کو زیادہ منظم، ہم آہنگ اور نتیجہ خیز بنانے میں آپ کی متوازن قیادت اہم کردار ادا کر رہی ہے۔ مختلف قومی مسائل پر جامع مباحثوں کا راستہ ہموار کر کے آپ نے جمہوری اقدار کو مزید مضبوط کیا ہے۔ خدا سے آپ کی صحت اور طویل زندگی کی نیک خواہشات۔‘‘
مرکزی وزیر نتیانند رائے نے دی مبارکباد
مرکزی وزیرِ مملکت نتیانند رائے نے اوم برلا کو جنم دن کی مبارکباد دیتے ہوئے لکھا،
لوک سبھا کے معزز اسپیکر کو یوم پیدائش کی دلی مبارکباد اور نیک خواہشات۔ میں خدا سے آپ کی بہتر صحت اور طویل عمر کی دعا کرتا ہوں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
