ہندوستان کی جنگ آزادی کے ایک اہم ہیرو خودی رام بوس کو ان کے یومِ شہادت کے موقع پر ملک بھر میں خراجِ عقیدت پیش کیا جا رہا ہے۔ اس سلسلے میں مرکزی وزیر داخلہ امت شاہ نے بھی ایک اہم پیغام جاری کرتے ہوئے خودی رام بوس کی قربانی کو بھارت کی انقلابی تاریخ کا سنہرا باب قرار دیا ہے۔
سوشل میڈیا پلیٹ فارم ’ایکس‘ پر امت شاہ نے لکھا کہ ’’بے مثال جرأت اور انقلابی شعور کی علامت خودی رام بوس جی کو ان کے یومِ شہادت پر خراج عقیدت پیش کرتا ہوں۔ جب ’وندے ماترم‘ کہنا بھی غداری سمجھا جاتا تھا، ایسے وقت میں صرف 18 سال کی عمر میں خودی رام بوس کی بہادری نے برطانوی حکومت کی بنیادیں ہلا کر رکھ دی تھیں۔ ان کی بے خوفی، حب الوطنی اور قربانی آنے والی نسلوں کو مادر وطن کے لیے سب کچھ قربان کرنے کی ترغیب دیتی رہے گی۔‘‘
अप्रतिम साहस और क्रांतिकारी चेतना के प्रतीक, खुदीराम बोस जी के बलिदान दिवस पर उन्हें सादर नमन।
जब ‘वंदे मातरम्’ कहना भी राजद्रोह माना जाता था, उस दौर में मात्र 18 वर्ष की आयु में खुदीराम बोस जी के शौर्य ने ब्रिटिश शासन की नींव हिला दी। उनकी निर्भीकता, राष्ट्रप्रेम और बलिदान आने… pic.twitter.com/TAZi1olcuY
— Amit Shah (@AmitShah) August 11, 2025
واضح رہے کہ خودی رام بوس کا شمار تحریکِ آزادی کے اُن نوجوان مجاہدین میں ہوتا ہے جنھوں نے اپنی کم عمری کے باوجود انگریز سامراج کے خلاف ناقابلِ تسخیر جرأت و ہمت کا مظاہرہ کیا۔ وہ صرف 18 برس کی عمر میں انگریزوں کے خلاف بغاوت کے جرم میں پھانسی چڑھا دیے گئے۔ ان کا شمار بھارت کے سب سے کم عمر شہیدوں میں ہوتا ہے، جنھوں نے ’’وندے ماترم‘‘ جیسے نعرے کو انقلاب کا استعارہ بنایا۔ خودی رام بوس نے 1908 میں ایک انگریز جج پر بم حملے میں حصہ لیا تھا، جس کے بعد انھیں گرفتار کر کے سزائے موت دی گئی۔ ان کی شہادت نے نہ صرف انقلابی تحریک کو تقویت دی بلکہ نوجوان نسل کو بھی قربانی کے جذبے سے سرشار کر دیا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
