مغربی بنگال کی وزیر اعلیٰ ممتا بنرجی نے آج پیر (10 فروری 2025) کو اسمبلی میں اپنی پارٹی کے اراکین اسمبلی سے ملاقات کی۔ اس دوران انہوں نے کہا کہ دہلی انتخابات کے نتائج کا اگلے سال ہونے والے بنگال اسمبلی انتخابات پر کوئی اثر نہیں پڑے گا۔
اسمبلی بجٹ اجلاس سے قبل ایک اندرونی میٹنگ کے دوران ممتا نے ترنمول ایم ایل اے سے کہا، “ہم اپنے بل بوتے پر دو تہائی اکثریت کے ساتھ اقتدار میں آئیں گے۔ کانگریس کے پاس یہاں کچھ نہیں ہے۔ ہم اپنے بل بوتے پر جیتیں گے۔”
بی جے پی کو چیلنج کرنے کے لیے صرف ٹی ایم سی ہی کافی ہے
وزیر اعلی ممتا بنرجی نے کہا، “اگلے سال ترنمول کانگریس دو تہائی سے زیادہ اکثریت کے ساتھ اقتدار میں واپس آئے گی۔ انہوں نے یہ بھی زور دیا کہ ترنمول کانگریس بنگال میں بی جے پی کا مقابلہ کرنے کے لیے کافی ہے۔ انہوں نے کہا کہ بنگال میں کانگریس کا کوئی وجود نہیں ہے۔ انہوں نے یہ بھی کہا کہ عام آدمی پارٹی نے ہریانہ میں کانگریس کی مدد نہیں کی اور دہلی میں حالیہ انتخابات کے دوران کانگریس نے عام آدمی پارٹی کی مدد نہیں کی۔”
اگرعام آدمی پارٹی اور کانگریس ساتھ ہوتے تو نتائج مختلف ہوتے۔
ذرائع نے انکشاف کیا ہے کہ ٹی ایم سی سربراہ نے بھی اعتراف کیا ہے کہ اگر دونوں پارٹیاں مل کر کام کرتیں تو نتائج مختلف ہوتے۔ نادیہ ضلع کے ایک ٹی ایم سی ایم ایل اے نے کہا، “کانگریس کو تقریباً 5 فیصد ووٹ ملنے سے نتائج میں فرق پڑا۔ اگر کانگریس تھوڑی لچک دکھاتی اور عام آدمی پارٹی کے ساتھ انتخابی معاہدہ کرتی تو نتائج مختلف ہوتے۔”
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
