جموں و کشمیر کے پہلگام میں خوفناک دہشت گردانہ حملے کے بعد ہندوستانی حکومت نے سیکیورٹی اور سفارتی سطح پر سخت اقدامات شروع کردیے ہیں۔ اس حملے میں 28 سیاحوں کی وحشیانہ ہلاکت کے بعد ملک بھر میں غم و غصہ پایا جا رہا ہے۔ اس سلسلے میں جمعرات کی شام دہلی میں ایک آل پارٹی میٹنگ کا انعقاد کیا گیا جس میں تمام سیاسی جماعتوں کے سرکردہ رہنماؤں نے شرکت کی اور حملے میں مارے جانے والوں کو خراج عقیدت پیش کرنے کے لیے دو منٹ کی خاموشی اختیار کی گئی۔
#WATCH | Delhi: All-party meeting called by the Central Government underway at the Parliament Annexe building
Union HM Amit Shah, Defence Minister Rajnath Singh, EAM Dr S Jaishankar are also present
#PahalgamTerroristAttack pic.twitter.com/Ntt27DETDo
— ANI (@ANI) April 24, 2025
آل پارٹی میٹنگ میں آگے کی حکمت عملی پر دی گئی بریفنگ
اس میٹنگ میں وزیر داخلہ امت شاہ، وزیر دفاع راج ناتھ سنگھ اور وزیر خارجہ ایس جے شنکر مرکزی حکومت کی جانب سے موجود تھے۔ اپوزیشن کی طرف سے راہل گاندھی، ملکارجن کھرگے، سنجے سنگھ، رام گوپال یادو، سدیپ بندوپادھیائے اور اسد الدین اویسی جیسے سینئر لیڈروں نے شرکت کی۔ اجلاس میں موجود لیڈران کو حکومت کی موجودہ حکمت عملی اور آئندہ کے اقدامات کے بارے میں آگاہ کیا گیا۔
کئی ممالک کے سفیروں کو کیا گیا طلب
اس درمیان وزارت خارجہ نے بھی بڑا سفارتی اقدام کرتے ہوئے جرمنی، جاپان، پولینڈ، برطانیہ، روس اور چین سمیت کئی ممالک کے سفیروں کو طلب کرلیا۔ سیکرٹری خارجہ وکرم مسری نے ان سفارت کاروں کو حملے کے پس منظر، پاکستان کے کردار اور بھارت کے سیکیورٹی خدشات پر تقریباً 30 منٹ تک تفصیلی بریفنگ دی۔
آرمی چیف کریں گے جائے وقوعہ کا دورہ
آرمی چیف جنرل اوپیندر دویدی حملہ کی جگہ کا معائنہ کرنے کے لیے جمعہ کو بیسرن پہنچیں گے۔ وہ فوجی حکام اور مقامی انتظامیہ کے ساتھ میٹنگ کر کے سیکیورٹی کا جائزہ لیں گے۔ دریں اثنا سیکورٹی ایجنسیوں نے پہلگام اور آس پاس کے علاقوں میں تلاشی مہم شروع کر دی ہے۔ این آئی اے، آئی بی اور ملٹری انٹیلی جنس ایجنسیاں اس حملے کے ذمہ دار دہشت گرد نیٹ ورک کو بے نقاب کرنے کے لیے کام کر رہی ہیں۔ ابتدائی تحقیقات نے سرحد پار سے دراندازی کی نشاندہی کی ہے اور مقامی سپورٹ نیٹ ورکس کی تصدیق کی ہے۔ جائے وقوعہ سے برآمد ہونے والے اسلحہ اور اشیاء کی تفتیش جاری ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
