علی گڑھ کا نام بدلنے کی تجویز کو منظوری۔
Aligarh Name Change: اترپردیش کے علی گڑھ ضلع کا نام بدلنے کی تجویزکومیونسپل کارپوریشن سے منظوری مل گئی ہے۔ اب اس فیصلے پرانتظامیہ کی مہرلگنے کا انتظار ہے۔ علی گڑھ کے میئرپرشانت سنگھ نے منگل کے روز یعنی 7 نومبرکوکہا کہ کل ایک میٹنگ میں علی گڑھ کا نام بدل کر ہری گڑھ کرنے کی تجویز منظورکی گئی تھی۔ سبھی کونسلروں نے اتفاق رائے سے اس تجویزکی حمایت کی ہے۔ علی گڑھ مسلم یونیورسٹی علی گڑھ کی شناخت ہے اور
میئرپرشانت سنگھل کا کہنا ہے کہ اب یہ تجویز انتظامیہ کو بھیجی جائے گی۔ مجھے امید ہے کہ انتظامیہ اس پر نوٹس لے گی اورعلی گڑھ کا نام بدل کر ہری گڑھ کرنے کے ہمارے مطالبے کو پورا کیا جائے گا۔ بی جے پی اورکچھ ہندو تنظیموں کی طرف یہ مطالبہ لمبے وقت سے کیا جا رہا ہے۔ تالا نگری شہر کا نام بدلنے کی یہ تجویز بی جے پی کونسلر سنجے پنڈت کے مشورے پرپیش کی گئی، جس کے بعد اسے منظوری دے دی گئی۔
#WATCH | Aligarh, UP: On the proposal of changing the name of Aligarh, Prashant Singhal, Mayor of Aligarh, says, “In a meeting yesterday, a proposal was presented to change the name of Aligarh to Harigarh. All councillors unanimously supported this. Now, this proposal will be… pic.twitter.com/3V0RlwtGKl
— ANI UP/Uttarakhand (@ANINewsUP) November 7, 2023
علی گڑھ کا نام ہری گڑھ رکھنے کی تجویز منظور
علی گڑھ میونسپل کارپوریشن کی اس میٹنگ میں کافی ہنگامہ بھی ہوا۔ ہنگامے کے درمیان بی جے پی کونسلر نے ضلع کا نیا نام ہری گڑھ رکھنے کی تجویز پیش کی۔ یہ پہلا موقع نہیں ہے جب علی گڑھ کا نام ہری گڑھ کرنے کا مطالبہ کیا گیا۔ بلکہ اس سے پہلے بھی بی جے پی لیڈران اس طرح کا مطالبہ کرتے رہے ہیں۔
علی گڑھ تالے کی صنعت کے لئے بہت مشہور
علی گڑھ اترپردیش کا ایک اہم تجارتی مرکزہے اوراپنے تالا انڈسٹری کے لئے پوری دنیا میں مشہور ہے۔ علی گڑھ کے تالے پوری دنیا میں امپورٹ کئے جاتے ہیں۔ اس کے علاوہ علی گڑھ اپنے پیتل کے ہارڈ ویئراورمجسمہ سازی کے لئے مشہورہے۔ علی گڑھ ملک کا ایک بڑا تعلیمی مرکزبھی ہے۔ یہاں پر100 سے زائد اسکول، کالج اورتعلیمی ادارے ہیں، اس میں علی گڑھ کالج آف انجینئرنگ اینڈ ٹیکنالوجی بھی ہے، جو علی گڑھ مسلم یونیورسٹی کے ماتحت ہے۔
-بھارت ایکسپریس
