اسدالدین اویسی۔ (تصویر: اے این آئیٰ)
آسام میں چائلڈ میریج (کم عمربچوں کی شادی) کے الزام میں بڑے پیمانے پر کارروائی شروع ہوگئی ہے۔ آل انڈیا مجلس اتحاد المسلمین (اے آئی ایم آئی ایم) کے سربراہ اسدالدین اویسی نے بی جے پی حکومت پر حملہ کیا ہے اورلوگوں کی گرفتاری پر سخت ناراضگی کا اظہار کیا ہے۔ انہوں نے کہا کہ شادی شدہ بیٹیوں کا کیا ہوگا؟ اویسی نے کہا کہ جن بیٹیوں کی شادی ہوگئی ہے، ان کا کیا ہوگا۔ آسام میں بی جے پی مسلمانوں کے خلاف ہے۔
آسام میں اب تک 2211 لوگوں کو کم عمری میں شادی کے الزام میں گرفتار کرلیا گیا ہے۔ آسام میں گوہاٹی، وشوناتھ، گولا پارا، کریم گنج، موری گاؤں، بونگائی گاؤں، جورہاٹ میں کارروائی کی گئی ہے۔ آسام کے وزیر اعلیٰ ہیمنت بسوا سرما نے بتایا کہ اب تک پوری ریاست میں بچوں کی شادی سے متعلق 4074 معاملے درج کئے گئے۔ جبکہ 8134 لوگوں کی پہچان کی گئی ہے۔ آج صبح تک 2211 لوگوں کو گرفتار کیا جاچکا ہے۔ بچوں کی شادی کے خلاف کارروائی جاری رہے گی۔ ہمیں تقریباً 3500 لوگوں کو گرفتار کرنا ہوگا۔
What’ll happen to girls who were married, who’ll take care of them? Assam govt booked 4000 cases, why aren’t they opening new schools? BJP’s govt in Assam is biased against Muslims. They gave land to landless people in Upper Assam but didn’t do same in Lower Assam:AIMIM chief pic.twitter.com/ltqVcORpU5
— ANI (@ANI) February 4, 2023
اسدالدین اویسی آسام حکومت کی کارروائی پر اعتراض کرتے ہوئے کہا کہ آسام میں گزشتہ 6 سال سے بی جے پی کی حکومت ہے۔ یہ تو آپ کی ناکامی ہے۔ تب آپ کیا کر رہے تھے؟ اس طرح کی گرفتاریاں کرکے آپ ایک اور پریشانی کھڑی کر رہے ہیں۔ جو شادی شدہ ہوچکی ہیں، ان لڑکیوں کا کیا کریں گے آپ؟ کون دیکھ بھال کرے گا ان کی؟ چاہے وہ کسی بھی مذہب کی ہوں۔
حکومت سے اسکولوں سے متعلق پوچھا سوال
اسدالدین اویسی نے کہا کہ اب تک حکومت نے 4 ہزار کیس درج کرلئے ہیں۔ ابھی 4 ہزارمزید معاملے درج کرنے کی بات کر رہے ہیں۔ ایسے میں بڑا سوال یہ ہے کہ اگر آپ لڑکے کو جیل بھیج دیں گے تو لڑکی کی دیکھ بھال کون کرے گا؟ وہاں اسکول کیوں نہیں کھول رہے ہیں آپ؟ آسام میں آپ نے کتنے اسکول کھولے ہیں؟ اسکول کھولئے، کون روک رہا ہے آپ کو؟ آسام میں بی جے پی کی حکومت مسلمانوں کے خلاف ہے۔ انہوں نے اوپری آسام میں جن کے پاس زمین نہیں ہے، ان کو زمین دی، لیکن نچلے آسام میں ایسا نہیں کیا۔
-بھارت ایکسپریس
