ہنگولی: جنتر منتر سے سی جے پی (CJP) کے لیڈران کو حراست میں لیے جانے کے بعد تنظیم کے بانی ابھیجیت دیپکے نے ردعمل ظاہر کیا ہے۔ صحافیوں سے بات کرتے ہوئے انہوں نے سوال اٹھایا کہ آخر ترنگا لہرانا کب سے خلاف ورزی ہو گیا؟
جنتر منتر پر ترنگا لہرانے کو خلاف ورزی کہنے پر سوال
دیپکے نے بتایا کہ ان کی ٹیم کی قیادت آشوتوش رانکا، سورو داس اور اجنکیا شندے کر رہے تھے۔ منگل کی صبح ان کی ٹیم جنتر منتر پہنچی، جہاں انہوں نے ترنگا لہرایا۔ انہوں نے کہا، ’’ترنگا لہرانا کب سے خلاف ورزی ہو گیا؟ جو بھی یہ سمجھتا ہے کہ جنتر منتر پر ترنگا لہرانا خلاف ورزی ہے، وہ ملک کا غدار ہے۔‘‘ انہوں نے آشوتوش رانکا، سورو داس اور اجنکیا شندے کو حراست میں لیے جانے کے معاملے میں سخت کارروائی کا مطالبہ بھی کیا۔
گیانیش کمار کے استعفے تک ترنگا لہرانے کا اعلان
دیپکے نے انتباہ دیتے ہوئے کہا کہ جنتر منتر ملک کی ملکیت ہے اور وہ وہاں اس وقت تک ترنگا لہراتے رہیں گے، جب تک چیف الیکشن کمشنر گیانیش کمار استعفیٰ نہیں دے دیتے۔ واضح رہے کہ دہلی پولیس نے جنتر منتر سے کئی مظاہرین کو حراست میں لیا ہے، جن میں سی جے پی کے لیڈر آشوتوش رانکا اور سورو داس بھی شامل ہیں۔
مظاہرے کے سلسلے میں چار ایف آئی آر درج
دوسری جانب، پولیس ذرائع کے مطابق، 12 اکتوبر کو نئی دہلی میں ہونے والے مظاہرے کے سلسلے میں مجموعی طور پر چار ایف آئی آر درج کی گئی ہیں۔ یہ ایف آئی آر بھارتیہ ناگرک سرکشا سنہتا (بی این ایس ایس) کی دفعہ 163 کی خلاف ورزی اور دیگر دفعات کے تحت درج کی گئی ہیں۔
پولیس ذرائع نے بتایا کہ کناٹ پلیس علاقے میں بی این ایس ایس کی دفعہ 163 کی خلاف ورزی کے معاملے میں بھی ایف آئی آر درج کی گئی ہے۔ ان میں سے دو ایف آئی آر تلک مارگ پولیس اسٹیشن، ایک مندر مارگ پولیس اسٹیشن اور ایک بارہ کھمبا پولیس اسٹیشن میں درج کی گئی ہے۔
سورو داس نے سوشل میڈیا پر جاری کیا ویڈیو
ادھر، حراست میں لیے گئے سورو داس نے سوشل میڈیا پلیٹ فارم انسٹاگرام پر ایک ویڈیو جاری کیا ہے۔ اس ویڈیو میں سورو داس کے ساتھ آشوتوش رانکا بھی نظر آ رہے ہیں۔ ویڈیو میں آشوتوش رانکا یہ کہتے ہوئے دکھائی دے رہے ہیں کہ ’’گیانیش کمار کا استعفیٰ تو جنتر منتر پر بھی ہوگا۔‘‘ وہیں، سورو داس اپنے ساتھ آئین کی ایک کاپی لیے ہوئے نظر آئے۔ویڈیو میں بس کے اندر حراست میں لیے گئے افراد ’’بھارت ماتا کی جے‘‘ اور ’’جے بھیم، جے بھیم‘‘ کے نعرے لگاتے ہوئے بھی دکھائی دے رہے ہیں۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
