سوشل میڈیا پر موضوعِ بحث بننے والی ’کاکروچ پارٹی‘ کے بانی ابھیجیت دیپکے کے ساتھ انسٹاگرام لائیو کے دوران ایک بڑا ’کھیل‘ ہوگیا۔ دراصل عوام سے تعریف کی امید لگائے بیٹھے دیپکے اپنے ہی لائیو سیشن میں ایک صارف کے تیکھے سوال پر بری طرح بے آرام ہوگئے۔اس کے بعد اس واقعے کی ویڈیو سوشل میڈیا پر تیزی سے وائرل ہو رہی ہے۔ لوگ طنزاً کہہ رہے ہیں کہ ابھیجیت بھیا تو صرف تعریف اور خوشامد کی امید میں تھے، لیکن پنجاب کے ایک شخص نے آن کیمرہ انہیں زبردست ہوم ورک دے دیا۔
ابھیجیت دیپکے کے انسٹاگرام لائیو میں کیا ہوا؟
تعریف سے ہوئی شروعات:
لائیو سیشن کے دوران پنجاب سے ایک صارف ابھیجیت دیپکے کے ساتھ جڑا۔ اس نے دیپکے کے ’سرکاری اسکولوں کے اچانک معائنے‘ کے کام کی خوب تعریف کی اور کہا کہ اس نے ان کے لیے خصوصی طور پر چاکلیٹس بھی بھیجی ہیں۔
دیپکے نے دیا آفر:
تعریف سن کر خوش ہوئے ابھیجیت دیپکے نے مسکراتے ہوئے نوجوان سے پوچھا، ’’بتاؤ بھائی، بدلے میں کیا چاہیے؟‘‘
صارف نے کی سیدھی مانگ:
نوجوان نے بغیر کسی جھجک کے فوراً کہا کہ میرے ریاست میں بھی آکر سرکاری اسکولوں کا معائنہ کیجیے۔
’پنجاب‘ سنتے ہی بدل گیا انداز:
جب ابھیجیت نے پوچھا کہ وہ کہاں سے ہے تو اس نے بتایا کہ پنجاب سے۔ پنجاب کا نام سنتے ہی ابھیجیت کے چہرے کی مسکراہٹ اچانک غائب ہوگئی۔ انہوں نے کہا، ’’آپ مذاق کر رہے ہیں نا؟‘‘ تاہم صارف نے واضح کردیا کہ وہ 100 فیصد سنجیدہ ہے۔
سوشل میڈیا پر ہونے لگی کھنچائی
پنجاب کے اسکولوں کے معائنے کی بات آتے ہی ابھیجیت دیپکے اپنے دفاعی انداز میں آگئے۔ انہوں نے کہا کہ مسلسل جاری احتجاجی مظاہروں کی وجہ سے وہ بہت تھک چکے ہیں اور ان کی صحت بھی ابھی پوری طرح ٹھیک نہیں ہے۔ تاہم انہوں نے مستقبل میں پنجاب آنے کا وعدہ کیا۔دلچسپ بات یہ رہی کہ لائیو چیٹ کے کمنٹس میں لوگ پہلے ہی لکھ رہے تھے کہ اب ’’تھکن اور خراب صحت‘‘ کا پرانا بہانہ سامنے آنے والا ہے۔ ’ایکس‘ پر صارفین اس کلپ کو شیئر کرتے ہوئے طنز کر رہے ہیں کہ بھائی سوچ رہے تھے صرف تعریف ملے گی، لیکن پنجاب والے نے لائیو میں ہی انہیں گھیر لیا۔
’اگلا نمبر سورو کا پٹنے کا…‘ کیوں بولے؟
حال ہی میں ایک کانکلیو میں ’کاکروچ جنتا پارٹی‘ کے تین اہم چہرے—ابھیجیت دیپکے، آشوتوش رانکا اور سورو داس—شریک ہوئے تو وہاں خوب قہقہے گونجے۔ جے پور میں اسکول انسپیکشن کے دوران سی جے پی کارکنوں پر ہوئے حملے کا ذکر کرتے ہوئے دیپکے نے مذاقاً کہا، ’’میں اور آشوتوش تو راجستھان میں پٹ گئے، اب اگلی بار سورو کی باری آئے گی!‘‘
جب ان سے پوچھا گیا کہ کیا آپ لوگ صرف ہنگامہ کرنے دہلی آتے ہیں اور آتے ہی دوبارہ مارچ کا اعلان کردیتے ہیں؟ اس پر دیپکے نے کہا کہ ’’یہ سب ہمیں مجبوری میں کرنا پڑتا ہے، ہم جان بوجھ کر ہنگامہ نہیں کرنا چاہتے۔ لیکن ایک ماہ ہونے کو آرہا ہے اور NEET خودکشی کے معاملے میں جن بچوں کی جان گئی، ان کے اہل خانہ کو معاوضہ دینے کے لیے حکومت سن ہی نہیں رہی ہے۔‘‘
5 ستمبر کو دہلی میں بڑا مارچ
ابھیجیت دیپکے نے اعلان کیا کہ ’کاکروچ جنتا پارٹی‘ 5 ستمبر کو اپنی دو اہم مطالبات کو لے کر دہلی کے انڈیا گیٹ سے دہلی پولیس ہیڈکوارٹر تک ایک بڑا احتجاجی مارچ نکالے گی۔ سی جے پی رہنماؤں کا کہنا ہے کہ جب تک حکومت نوجوانوں اور طلبہ کے مطالبات پورے نہیں کرتی، ان کی یہ ’ڈیجیٹل اور گراؤنڈ موومنٹ‘ جاری رہے گی۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
