دہلی کے وزیر اعلیٰ اروند کیجریوال اور پنجاب کے وزیر اعلیٰ بھگونت مان۔ (فائل فوٹو)
پنجاب میں برسراقتدارعام آدمی پارٹی کو بڑا جھٹکا لگا ہے۔ پنجاب سے رکن پارلیمنٹ اورجالندھر سیٹ سے پارٹی امیدوارسشیل کماررنکو آج باضابطہ طور پربی جے پی میں شامل ہوگئے ہیں۔ وہ پارٹی میں شامل ہونے کے لئے بی جے پی ہیڈ کوارٹرپہنچے۔ واضح رہے کہ سشیل کماررنکو نے ضمنی الیکشن میں جیت حاصل کی تھی۔ عام آدمی پارٹی نے 2024 کے لوک سبھا الیکشن کے لئے بھی ان کو امیدواربنایا تھا، لیکن اب وہ بی جے پی میں شامل ہوگئے ہیں۔ انہیں بی جے پی اپنا امیدواربھی بناسکتی ہے۔
دوسری جانب، سشیل کماررنکو کا بی جے پی میں شامل ہونا پنجاب کے وزیراعلیٰ بھگونت مان کی بڑی ناکامی سمجھی جا رہی ہے۔ دراصل، پارٹی کے قومی کنوینراروند کیجریوال اس وقت جیل میں بند ہیں اوراب پارٹی رکن پارلیمنٹ کا ساتھ چھوڑدینا بہت بڑا جھٹکا ہے۔ عام آدمی پارٹی کی پنجاب میں حکومت ہے اوروہ سمجھتی ہے کہ وہ تمام سیٹوں پراپنے دم پرجیت حاصل کرلے گی، لیکن بی جے پی نے اسے بڑا جھٹکا دے دیا ہے۔
بھارت ایکسپریس۔
