نئی دہلی: بھارتیہ جنتا پارٹی (بی جے پی) کے سینئررہنما اورسپریم کورٹ کے معروف وکیل اَمن سنہا، قوم پرست تنظیم پسماندہ مسلم سماج اتھّان کمیٹی سنگھ (رجسٹرڈ) کی قومی قیادت کے ہمراہ درگاہ حضرت نظام الدین اولیاء کی بارگاہ میں حاضرہوئے۔ اس موقع پرپسماندہ مسلم سماج اتھّان کمیٹی سنگھ کے سرپرستِ اعلیٰ الحاج محمد عرفان احمد، قومی صدراحسان عباسی، دہلی پردیش کے عہدیداران اورسماج کے متعدد معززشخصیات بھی موجود تھیں۔
دراصل شرکاء نے بارگاہِ خواجہ محبوب اولیاء میں چادراورگلاب کے پھول پیش کرکے عقیدت کا اظہارکیا اوروزیراعظم نریندرمودی کے 75ویں جنم دن کونہایت شانداراورباوقاراندازمیں منایا۔ اس موقع پرکیک کاٹا گیا اوریتیم وغریب بچوں میں کیک ومٹھائی تقسیم کی گئی، جس سے ماحول محبت وخیرسگالی کا حسین پیغام دیتا رہا۔ اس دوران درگاہ شریف کے سجادہ نشین حاجی پیرسید غلام نظام نظامی نے وزیراعظم ہند کی صحت، سلامتی اوردرازی عمر(لمبی عمر) کے لیے خصوصی دعا کی۔
وہیں الحاج عرفان احمد نے کہا کہ یہ تقریب نہ صرف وزیراعظم نریندرمودی کے لیے نیک خواہشات کا پیغام ہے بلکہ قومی یکجہتی اور گنگا-جمنی تہذیب کی روشن مثال بھی ہے۔ تقریب میں حاجی کلّوخان، حسن خان میواتی، آزاد نورانی، اقبال خاں میراثی، زیازانصاری ودیگر موجود رہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
