مدھیہ پردیش کے ڈنڈوری میں بڑا حادثہ، پک اپ گاڑی الٹنے سے 14 افراد ہلاک اور 21 زخمی
Road Accident in Madhya Pradesh: مدھیہ پردیش کے ڈنڈوری میں ایک بڑا سڑک حادثہ پیش آیا ہے۔ ڈنڈوری میں بڑجھر گھاٹ پر پک اپ گاڑی بے قابو ہو کر الٹنے سے 14 افراد جاں بحق اور 21 زخمی ہو گئے۔ زخمیوں کو شہ پورہ کمیونٹی ہیلتھ سنٹر میں طبی امداد دی جا رہی ہے۔ بتایا جا رہا ہے کہ حادثہ بریک فیل ہونے کی وجہ سے پیش آیا۔ وزیر اعلیٰ ڈاکٹر موہن یادو نے ڈنڈوری ضلع میں ایک گاڑی کے حادثے میں کئی قیمتی جانوں کی بے وقت موت پر گہرے رنج و غم کا اظہار کیا ہے۔
اس کے ساتھ ہی مدھیہ پردیش حکومت نے ڈنڈوری سڑک حادثہ میں ہلاک ہونے والوں کے اہل خانہ کو معاوضہ دینے کا اعلان کیا ہے۔ واقعے میں زخمی ہونے والے افراد کے لواحقین کو فی کس چار لاکھ روپے کی مالی امداد دی جائے گی۔ زخمیوں کے مناسب علاج کی ہدایات دی گئی ہیں۔
چیف منسٹر موہن یادو نے کیا افسوس کا اظہار
مدھیہ پردیش کے وزیر اعلیٰ ڈاکٹر موہن یادو نے ایشور سے دعا کی ہے کہ وہ مرحوم کی روحوں کو سکون دے اور ان کے اہل خانہ کو اس غم کو برداشت کرنے کی طاقت دے۔ وزیر اعلیٰ نے کہا کہ واقعہ میں زخمی ہونے والوں کے لواحقین کو چار چار لاکھ روپے کی مالی امداد فراہم کی جائے گی۔ زخمیوں کے مناسب علاج کے لیے ضلعی انتظامیہ کو ہدایات دے دی گئی ہیں۔ وزیر اعلیٰ کی ہدایت پر کابینی وزیر سمپتیا اوئیکے ڈنڈوری پہنچ رہے ہیں۔
ایم پی کانگریس صدر نے بھی حادثے پر افسوس کا اظہار کیا
دوسری طرف ایم پی کانگریس صدر جیتو پٹواری نے ڈنڈوری حادثہ پر غم کا اظہار کیا ہے۔ انہوں نے کہا کہ ڈنڈوری میں پک اپ گاڑی الٹنے سے 14 افراد کے جاں بحق ہونے کی افسوسناک خبر موصول ہوئی ہے۔ حادثے میں 21 افراد زخمی بھی ہوئے۔ ایشور سے مرحوم کی روح کو شانتی اور زخمیوں کی جلد صحت یابی کے لیے دعاگو ہوں۔مقامی انتظامیہ سے بھی درخواست ہے کہ امداد اور علاج کے لیے ہر ممکن کوشش کریں۔
یہ بھی پڑھیں- Himachal Political Crisis: ہماچل میں سیاسی بحران ختم! لوک سبھا انتخابات تک سکھوندر سنگھ سکھو ہی رہیں گے ہماچل کے وزیراعلیٰ
کیا بریک فیل ہونے سے ہوا ڈنڈوری حادثہ؟
معلومات کے مطابق یہ المناک حادثہ ڈنڈوری کے بڈجھر گاؤں کے قریب پیش آیا۔ پک اپ گاڑی بے قابو ہو کر الٹ گئی۔ کلکٹر وکاس مشرا نے 14 لوگوں کی موت کی تصدیق کی ہے۔ حادثے میں 21 افراد زخمی ہوئے ہیں۔ ایک کی حالت تشویشناک بتائی جاتی ہے۔ حادثے کی وجہ بریک فیل ہونا بتائی جاتی ہے۔ زخمیوں کو مقامی لوگوں کی مدد سے ہسپتال پہنچایا گیا۔ یہ حادثہ چوک پروگرام میں شرکت کے بعد واپسی کے دوران پیش آیا۔ مرنے والوں کا تعلق دیوری گاؤں سے بتایا جاتا ہے۔
-بھارت ایکسپریس
