کولکاتا نائٹ رائیڈرس نے راجستھان رائلس کو سنسنی خیز مقابلے میں ایک رن سے ہرا دیا۔ اس میچ میں کے کے آر نے پہلے پلے بازی کرتے ہوئے 206 رن بنائے تھے، جس کے جواب میں راجستھان کی ٹیم 20 اورس میں 205 رن ہی بنا سکی۔ اس سخت ترین مقابلے میں راجستھان کے کپتان ریان پراگ نے 95 رنوں کی شاندار اننگ کھیلی، لیکن اپنی ٹیم کو جیت دلانے میں ناکام رہے۔ راجستھان کی ٹیم تو پہلے ہی پلے آف سے باہر ہو چکی ہے، لیکن اس جیت کے ساتھ کولکاتا کی پلے آف میں پہنچنے کی امیدیں اب بھی قائم ہیں۔ اس جیت کے ساتھ کولکاتا کے 11 میچوں میں 11 پوائنٹس ہو گئے۔
207 رنوں کے پہاڑ جیسے اسکور کا تعقاب کرنے اتری راجستھان کی ٹیم کی شروعات بے حد خراب رہی۔ گجرات کے خلاف سنچری بنانے والے 14 سالہ ویبھو سوریہ ونشی صرف 4 رن بنا کر آؤٹ ہو گئے۔ آئی پی ایل میں ڈیبیو کرنے والے کنال سنگھ راٹھور بغیر کوئی رن بنائے ہی معین خان کو اپنا وکٹ دے بیٹھے۔ یشسوی جیسوال (21 گیندوں میں 34 رن) رن بھی آج بڑی اننگ نہیں کھیل سکے۔ کپتان ریان پراگ (45 گیندوں میں 95 رن) نے زبردست کھیل کا مظاہرہ کیا۔
Another day, another #TATAIPL classic 🤩@KKRiders prevail by 1️⃣ run in a last-ball thriller in Kolkata to boost their playoff hopes 👏💜
Scorecard ▶ https://t.co/wg00ni9CQE#KKRvRR pic.twitter.com/mJxuxBSPqw
— IndianPremierLeague (@IPL) May 4, 2025
دھرو جوریل اور وانندو ہسرنگا بلے بازی میں کوئی کمال نہیں کر سکے اور بغیر کوئی رن بنائے ورون چکرورتی کے شکار ہو گئے۔ ریان پراگ کے علاوہ شمرون ہیٹمائر (23 گیندوں میں 29 رن)، شوبھم ڈوبے (14 گیندوں میں 25 رن) اور جوفرا آرچر (8 گیندوں میں 12 رن) نے ٹیم کو جیت دلانے میں کوئی کسر نہیں چھوڑا۔ آخری گیند پر راجستھان کو جیت کے لیے 3 رن چاہیے تھے لیکن راجستھان کی ٹیم صرف ایک رن ہی بنا سکی۔ اگر کے کے آر کے گیند بازوں کی بات کی جائے تو معین علی، ہرشت رانا اور ورون چکرورتی نے 2-2 وکٹیں حاصل کیں، جب کہ ویبھو ارورا ایک وکٹ حاصل کرنے میں کامیاب ہوئے۔
پہلے بلے بازی کرتے ہوئے کے کے آر کی بھی شروعات اچھی نہیں رہی سلامی بلے باز سنیل نارائن (9 گیندوں میں 11 رن) بنا کر اننگ کے دوسرے اوور میں ہی آؤٹ ہو گئے۔ اس کے بعد رحمان اللہ گرباز (25 گیندوں میں 35 رن) اور کپتان اجنکیا رہانے (24 گیندوں میں 30 رن) نے ٹیم کو ایک اچھی شروعات دی۔ اس کے بعد رگھوونشی (31 گیندوں میں 44 رن)، آندرے رسیل (25 گیندوں میں 57 رن) اور رنکو سنگھ (6 گیندوں میں 19 رن) کی طوفانی اننگ کے بعد کے کے آر نے 4 وکٹوں کے نقصان پر 206 رنوں کا اسکور کیا۔ راجستھان رائلس کی جانب سے گیند بازی کرتے ہوئے جوفرا آرچر، یودھویر سنگھ، تھیکشنا اور ریان پراگ نے 1-1 وکٹ حاصل کرنے میں کامیاب ہوئے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
