امریکی محکمہ خارجہ کے ترجمان میتھیو ملر۔ (فائل فوٹو)
واشنگٹن: امریکہ نے منگل کے روز کہا کہ وہ لوک سبھا کے انتخابات کے نتائج آنے کے بعد نئی حکومت کی تشکیل سے پہلے ہندوستان کے ساتھ قریبی تعلقات کو “جاری رکھنے” کی امید کرتا ہے۔
لوک سبھا انتخابات کے نتائج میں نیشنل ڈیموکریٹک الائنس (این ڈی اے) کو مکمل اکثریت ملی ہے، حالانکہ اکیلے بی جے پی کو 240 سیٹیں ملی ہیں اور وہ سب سے بڑی پارٹی بن کر ابھری ہے۔ حالانکہ یہ اکثریتی تعداد سے 32 کم ہے۔
امریکی محکمہ خارجہ کے ترجمان میتھیو ملر نے اپنی باقاعدہ پریس بریفنگ کے دوران ایک سوال کے جواب میں کہا کہ “میں امریکہ اور ہندوستان کے درمیان قریبی تعلقات کو جاری رکھنے کی امید کرتا ہوں۔ حکومتی سطح پر اور ہمارے دونوں ممالک کی عوام کے درمیان بھی بہت اچھا تعاون ہے اور مجھے اس کے جاری رہنے کا پورا یقین ہے۔
ایک اور سوال کے جواب میں، انہوں نے کہا، “امریکہ کی جانب سے ہم ہندوستان کی حکومت اور عوام کو اتنے بڑے پیمانے پر انتخابی عمل کو مکمل کرنے پر سراہتے ہیں۔ ہم حتمی نتائج جاننے کے منتظر ہیں۔”
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
