امریکہ اور اسرائیل نے آج ایران پر مشترکہ فضائی حملے شروع کر دیے ہیں، جس کے نتیجے میں ایران کی دارالحکومت تہران اور دیگر علاقوں میں کئی مقامات پر دھماکے ہوئے۔ امریکی صدر ڈونلڈ ٹرمپ نے اپنے بیان میں کہا کہ یہ آپریشن ’میجر کومبیٹ آپریشنز‘ ہے اور اس کا بنیادی مقصد ایران کو آزاد کرانا ہے۔ ٹرمپ نے کہا کہ ایرانی عوام کی آزادی امریکہ کے لیے اہمیت رکھتی ہے اور انہوں نے ایرانی فوج سے ہتھیار ڈالنے کی اپیل کی ہے۔
ایران کو نیوکلیئر طاقت بننے کا حق نہیں؟
ٹرمپ نے ایرانی عوام سے کہا کہ حملے ختم ہونے کے بعد اپنی حکومت پر قبضہ کریں، یہ ان کے لیے نسلوں کا موقع ہے۔ انہوں نے ایرانی لوگوں کو ہدایت دی کہ وہ اپنے گھروں میں رہیں کیونکہ باہر بہت خطرناک ہے اور بم ہر جگہ گر سکتے ہیں۔ ٹرمپ نے ایرانی فوج اور پولیس کو خبردار کیا کہ اگر ہتھیار ڈالیں تو انہیں معافی اور تحفظ ملے گا، ورنہ موت یقینی ہے۔ انہوں نے کہا کہ ایران کبھی نیوکلیئر طاقت نہیں بن سکتا۔ اس کے ساتھ، اسرائیل نے پری-ایمپٹیو اسٹریک شروع کی اور 30 سے زیادہ مقامات پر حملے کیے جن میں صدر کے محل، انٹیلیجنس وزارت، دفاعی وزارت، سپریم لیڈر کا دفتر، نیوکلیئر ایجنسی اور پرچین ملٹری کمپلیکس شامل ہیں۔ تہران میں دھواں اور دھماکوں کی خبریں موصول ہوئیں۔ امریکہ نے یہ آپریشن ’ایپک فیوری‘ کے نام سے چلایا۔
ایران نے اسرائیل پر 70 سے زائد داغے میزائل
ایران نے 70 سے زیادہ میزائل اسرائیل پر داغے اور تل ابیب کو بھی نشانہ بنایا۔ ایران نے بحرین میں امریکی نیوی بیس پر بھی حملہ کیا۔ ایران کی حمایت یافتہ حوثی گروپ نے ریڈ سی میں دوبارہ حملے شروع کیے۔ ایران کے سپریم لیڈر خامنہ ای کو محفوظ جگہ منتقل کیا گیا ہے اور صدر مسعود پےژشکیان بھی محفوظ ہیں۔ کئی ممالک میں فضائی حدود بند ہو گئی ہیں اور پروازیں منسوخ ہو گئی ہیں۔
نیوکلیئر مذاکرات اور عالمی تشویش
ٹرمپ نے کہا کہ ایران دوبارہ نیوکلیئر پروگرام اور لمبی فاصلے کی میزائلیں تیار کر رہا ہے۔ حالیہ حملوں سے میزائل انڈسٹری تباہ ہوگی۔ نیوکلیئر مذاکرات جاری تھے، لیکن ان حملوں نے مذاکرات کی کامیابی پر سوالیہ نشان لگا دیا ہے۔ روس نے امریکہ سے حملہ روکنے کی اپیل کی ہے۔ بھارت نے اسرائیل میں اپنے شہریوں کے لیے ہیلپ لائن جاری کی ہے۔ اس وقت مشرق وسطیٰ میں مکمل جنگ جیسا ماحول ہے اور تناؤ بہت زیادہ ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
