وزیر اعظم نریندر مودی نے جمعرات کو برطانیہ میں ہندوستان اور برطانیہ کے درمیان ایک تاریخی آزاد تجارتی معاہدے پر دستخط کرنے کے بعد برطانوی کنگ چارلس سوم (Charles III)سے ملاقات کی۔ اس موقع پر کنگ چارلس نے وزیر اعظم مودی کے ذریعے شروع کی گئی ماحولیاتی مہم ’ایک پیڑ ماں کے نام‘ سے متاثر ہو کر پی ایم مودی کی موجودگی میں ایک پیڑ بھی لگایا۔
برطانیہ کے شاہی خاندان کے آفیشیل اکاؤنٹ سے سوشل میڈیا پلیٹ فارم ’ایکس‘ پر ایک پوسٹ میں اس ملاقات کی تصویر شیئر کی گئی ہے۔ پوسٹ میں لکھا ہے کہ ’’آج سہ پہر بادشاہ نے سینڈرنگھم ہاؤس میں جمہوریہ ہند کے وزیر اعظم نریندر مودی کا استقبال کیا۔ دونوں نے ساتھ گزارے گئے وقت کے دوران بادشاہ نے وزیر اعظم مودی کے ذریعے شروع کی گئی ماحولیاتی پہل ’ایک پیڑ ماں کے نام‘ سے متاثر ہو کر ایک درخت لگایا۔ یہ مہم لوگوں کو اپنی ماں کے نام پر ایک درخت لگانے کی ترغیب دیتی ہے۔‘‘ یہ ملاقات ایک اہم سفارتی لمحہ کی عکاس ہے، جو دونوں ممالک کے درمیان دوطرفہ تعلقات کی مضبوطی کو اجاگر کرتی ہے۔
This afternoon, The King received the Prime Minister of the Republic of India, @NarendraModi, at Sandringham House. 🇮🇳
During their time together, His Majesty was given a tree to be planted this Autumn, inspired by the environmental initiative launched by the Prime Minister, “Ek… pic.twitter.com/9nhigoCgkw
— The Royal Family (@RoyalFamily) July 24, 2025
اس سے قبل وزیر اعظم مودی نے برطانوی وزیر اعظم کیئر اسٹارمر سے ملاقات کرنے کے علاوہ برطانیہ میں ہندوستانی اور برطانوی کاروباریوں سے بھی ملاقات کی۔ اس کے بعد انھوں نے ایک نمائش میں حصہ لیا اور پی ایم کیئر اسٹارمر کے ساتھ ’’چائے پر چرچا‘‘ بھی کی۔ واضح رہے کہ پی ایم مودی دو روزہ دورے پر برطانیہ میں ہیں، جہاں آج ان کی موجودگی میں تاریخی ہند-برطانیہ آزاد تجارتی معاہدے پر دستخط کیے گئے، جو دونوں ممالک کی معشیت کے لے نہایت اہم معاہد مانا جارہا ہے۔ اس سے نہ صرف ہندوستانی صارفین کو فائدہ پہنچے گا بلکہ برآمد کنندگان کو بھی فوائد حاصل ہوں گے اور دونوں ممالک کے درمیان تجارت میں نمایاں اضافہ ہوگا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
