مذہبی شدت پسندی کا دور نہ صرف ہندوستان بلکہ پاکستان میں بھی عروج پر ہے ۔ تازہ جانکاری یہ ہے کہ پاکستان کے جڑانوالہ میں توہین قرآن کے الزامات پر کشیدگی پیدا ہوگئی،توہین قرآن کے واقعے کی خبرجیسے ہی پھیلی تو لوگ سڑکوں پر نکل آئے، مشتعل افراد نے ایک چرچ اور اس کے آس پاس موجود چند گھروں کو آگ لگا دی۔ پاکستان کے ضلع فیصل آباد کی تحصیل جڑانوالہ میں مبینہ طور پر توہین مذہب کے ایک معاملے میں پولیس کے مطابق حالات ابھی بھی کشیدہ ہیں۔پولیس کی بھاری نفری شہر کے کشیدہ علاقوں میں گشت کر رہی ہے۔ پولیس کے مطابق علاقے میں کشیدگی کو کم کرنے کی کوشش کی جا رہی ہے۔ضلعی انتظامیہ نے اسسٹنٹ کمشنر جڑانوالہ کو تبدیل کر دیا ہے۔ جبکہ نئے اسسٹنٹ کمشنر نے پنجاب حکومت کو رینجرز کی تعیناتی کے لیے خط لکھ دیا ہے۔
I am gutted by the visuals coming out of Jaranwala,#Faisalabad. Stern action would be taken against those who violate law and target minorities. All law enforcement has been asked to apprehend culprits and bring them to justice. Rest assured that the government of Pakistan stands… https://t.co/GHWUGA1NNq
— Anwaar ul Haq Kakar (@anwaar_kakar) August 16, 2023
دوسری طرف پولیس نے دو مسیحی بھائیوں کے خلاف توہین مذہب کی ایف آئی آر بھی درج کر لی ہے۔ مقامی افراد کے مطابق جڑانوالہ میں منگل کی رات سے ہی حالات کشیدہ ہیں۔ کئی مسیحی خاندان رات گئے ہی علاقہ چھوڑ کر نکل گئے۔ جبکہ بدھ کی صبح لوگوں نے مسیحی بستی میں ایک چرچ کو آگ لگا دی جبکہ ایک میں توڑ پھوڑ کی ہے۔اس کے لیے ضلعی حکومت کے دفاتر میں بھی توڑ پھوڑ کی اطلاعات ہیں۔ پولیس مقامی مذہبی اکابرین کے ہمراہ ہجوم کو کنٹرول کرنے کی کوشش کر رہی ہے تاہم ابھی تک یہ کوششیں بے سود ہیں۔علاقے سے موصول ہونے والی ویڈیو فوٹیجز میں دیکھا جا سکتا ہے کہ کئی گھروں سے سامان گلی میں رکھ کر اسے بھی جلایا جا رہا ہے۔
I highly condemn the riot and mob lynching against Christian community of pakistan. And I request @GovtofPunjabPK @GovtofPakistan and army of pakistan to take strict action against it. We are in desperate need of help. #jaranwala #faisalabad #Christian #UNhumanrights pic.twitter.com/MnoshY9OsI
— Ramnnah Bashir (@Rumnaw_Rave) August 16, 2023
ترجمان فیصل آباد پولیس کے مطابق پولیس کی کوشش ہے کہ علاقے میں امن وامان کی صورت حالت درست رہے۔ انہوں نے بتایا کہ مشتعل افراد نے چند مسیحی گھروں اور عبادت گاہوں کو نقصان پہنچایا ہے۔ پاکستان کے نگراں وزیراعظم انوار الحق کاکڑ نے جڑانوالہ میں پیش آنے والے واقعات پر افسوس کا اظہار کرتے ہوئے کہا ہے کہ ’قانون کی خلاف ورزی کرنے والوں اور اقلیتوں کو نشانہ بنانے والوں کے خلاف سخت کارروائی کی جائے گی۔ انہوں نے مزید لکھا کہ ’تمام قانون نافذ کرنے والے اداروں کو مجرموں کو گرفتار کرنے اور انصاف کے کٹہرے میں لانے کی ہدایات جاری کردی گئی ہیں۔‘
بھارت ایکسپریس۔
