یونیورسٹی ہاسٹل میں خوفناک آتشزدگی، 14 افراد ہلاک اور 18 زخمی
Iraq University Fire: عراق کے شمالی شہر اربیل میں یونیورسٹی کے ہاسٹل میں آگ لگنے سے 14 افراد ہلاک اور 18 زخمی ہوگئے۔ یہ 8 دسمبر کی شام کا واقعہ ہے۔ سورن کے ہیلتھ ڈائریکٹوریٹ کے سربراہ کے مطابق اربیل کے مشرق میں واقع ایک چھوٹے سے قصبے سورن میں ایک ہاسٹل میں آگ لگک گئی ۔ سرکاری میڈیا نے مرنے والوں کی تعداد کی تصدیق کی ہے۔
#Soran City in Iraqi #Kurdistan Gripped by Tragedy: 14 Lives Lost in Devastating Fire, Investigation Underway
Read the full story: https://t.co/ij6vxw9sNH#BreakingNews #Fire #University #Students #Kurdistan #TwitterKurds #Iraq pic.twitter.com/6CvmKLGHBl
— Dr. Momen Zellmi (@momenzellmii) December 8, 2023
مقامی خبر رساں ایجنسی روداؤ نے بتایا کہ آگ جمعہ کی رات تک بجھا دی گئی۔ روداؤ کے مطابق ابتدائی تحقیقات میں آگ لگنے کی وجہ شارٹ سرکٹ بتائی گئی ہے۔ یہ علاقہ صوبہ کردستان میں آتا ہے۔ کردستان کے وزیر اعظم مسرور بارزانی نے اس واقعے کے حوالے سے ایک تحقیقاتی کمیٹی تشکیل دی ہے۔
عراق میں آتشزدگی کے واقعات عام ہیں
عراق میں عمارتوں میں آگ لگنے کے واقعات اکثر ہوتے رہتے ہیں۔ حفاظتی اصولوں کو نظر انداز کرتے ہوئے وہاں اکثر تعمیرات کی جاتی ہیں۔ اس کے علاوہ ٹرانسپورٹ کے شعبے میں بھی بہت لاپرواہی ہے۔ عراق میں حکومتی نظام کا بنیادی ڈھانچہ مسلسل منہدم ہو رہا ہے۔ ملک کئی دہائیوں سے کرپشن کا شکار ہے۔ اس کا خمیازہ ملک کی آبادی بھگت رہی ہے۔
بھارت ایکسپریس
