کینیڈا نے ایران کی فوج آئی آر جی سی کو دہشت گرد تنظیم قرار دیا، جانئے ٹروڈو حکومت نے کیوں لگائی پابندی؟
کینیڈا نے ایران پر بڑا الزام لگا دیا ہے۔ کینیڈا نے ایران کی سپاہ پاسداران انقلاب اسلامی کو دہشت گرد گروپ قرار دے دیا ہے۔ جسٹن ٹروڈو حکومت نے ایران میں مقیم کینیڈا کے شہریوں سے کہا ہے کہ وہ ملک چھوڑ دیں۔ وزیر اعظم جسٹن ٹروڈو نے کہا کہ آئی آر جی سی کو اب کینیڈا میں دہشت گرد گروپوں کی فہرست میں شامل کر لیا گیا ہے۔
آئی آر جی سی ایران کی ایک بڑی عسکری، سیاسی اور اقتصادی قوت ہے، جس کے سپریم لیڈر آیت اللہ علی خامنہ ای سے قریبی تعلقات ہیں۔ ہم اکثر علی خامنہ ای کو امریکہ کے خلاف خطبے دیتے دیکھتے ہیں اور وہ سیاہ پگڑی اور سفید داڑھی میں ایک ایسی شخصیت لگتے ہیں کہ ان تک رسائی ممکن نہ ہو۔علی خامنہ ای نے ملک کے اندر رہ کر آیت اللہ خمینی کے پیغام کو پھیلانے کی کوشش کی اور اسی کوشش کے دوران وہ چھ مرتبہ گرفتار بھی ہوئے۔
دہشت گردی کی فنڈنگ روکنے کی کوشش: کینیڈا
جسٹن ٹروڈو نے یہ بھی کہا کہ حکومت کے اس فیصلے سے دہشت گردی کی فنڈنگ روکنے میں مدد ملے گی۔ کینیڈا کی حکومت کی جانب سے جاری بیان میں کہا گیا کہ آئی آر جی سی کو دہشت گردوں کی فہرست میں شامل کرنے سے دہشت گردی کے خلاف ایک مضبوط پیغام جائے گا۔
سنہوا خبر رساں ایجنسی نے پبلک سیفٹی کینیڈا کے ایک پریس بیان کا حوالہ دیتے ہوئے کہا کہ اس اعلان کے نتیجے میں کینیڈا کے مالیاتی اداروں جیسے کہ بینک اور بروکریج، دہشت گرد تنظیم کے اثاثوں کو فوری طور پر منجمد کرنے کے پابند ہوں گے۔ کینیڈا میں کسی بھی فرد یا بیرون ملک کینیڈا کے باشندوں کے لیے جان بوجھ کر کسی دہشت گرد گروپ کی ملکیت یا اس کے زیر کنٹرول جائیداد رکھنا ایک مجرمانہ جرم ہے۔
یہ بھی پڑھیں:تمل ناڈو میں زہریلی شراب پینے سے 29 افراد کی موت، 60 سے زائد اسپتال میں داخل
یہ بھی پڑھیں: دہلی میں چلچلاتی گرمی سے حالات ہوئے خراب! 48 گھنٹوں میں ملیں 50 لاشیں ، اسپتالوں نے اٹھا ئے یہ ا قدام
امریکہ بھی اسے دہشت گرد گروپ قرار دے چکا ہے
مقامی میڈیا کے مطابق چیریٹی تنظیمیں دہشت گرد گروپوں سے تعلقات برقرار رکھنے کی صورت میں اپنی حیثیت کھو سکتی ہیں۔ ان گروہوں سے وابستہ افراد کو کینیڈا میں داخلے سے منع کیا جا سکتا ہے۔ امریکہ نے 2019 میں آئی آر جی سی کو دہشت گرد گروپ قرار دیا تھا۔
بھارت ایکسپریس
