سری لنکا کے سابق صدر رنیل وکرم سنگھے کو سرکاری فنڈز کے مبینہ غلط استعمال کے مقدمے میں منگل کو ضمانت پر رہا کر دیا گیا۔ ان پر الزام ہے کہ انہوں نے لندن کے ایک نجی دورے کے لیے، جس میں 10 افراد شامل تھے، حکومت کے 1 کروڑ 66 لاکھ سری لنکن روپے (LKR) خرچ کیے۔ اس دورے کے دوران وہ ایک یونیورسٹی کے گریجویشن تقریب میں شریک ہوئے، جو تفتیش کاروں کے مطابق کوئی سرکاری مصروفیت نہیں تھی بلکہ نجی نوعیت کی تھی۔ انہیں گزشتہ جمعہ کو گرفتار کیا گیا تھا اور ابتدائی طور پر جیل اسپتال میں رکھا گیا، تاہم صحت کی خرابی کے باعث بعد میں کولمبو نیشنل اسپتال منتقل کر دیا گیا۔
🚨 Wickremesinghe granted bail after failing to appear in court over medical reasons
Former Sri Lankan president Ranil Wickremesinghe has been granted bail after he was arrested last week over allegations that he misused state funds to finance a private trip to London during his… pic.twitter.com/corEVk3PoP
— Tamil Guardian (@TamilGuardian) August 26, 2025
عدالت کی کارروائی
کولمبو فورٹ مجسٹریٹ نیلوپولی لنکا پورا نے رنیل وکرم سنگھے کو تین ضامنوں کے ذریعے، ہر ایک پانچ ملین روپے کے ضمانتی مچلکوں پر رہا کرنے کا حکم دیا۔ مقدمے کی اگلی سماعت 29 اکتوبر کو ہوگی۔
صحت کی صورتحال
وکرم سنگھے کو گزشتہ روز ڈی ہائیڈریشن اور دل کی دھڑکن تیز ہونے کی شکایت کے باعث آئی سی یو منتقل کیا گیا۔ طبی ٹیسٹ میں گردے کے مسائل اور سردرد کی علامات بھی ظاہر ہوئیں۔ ڈاکٹروں نے انہیں کم از کم تین دن آرام اور دوا لینے کا مشورہ دیا ہے۔ اسپتال حکام کے مطابق ان کی موجودہ حالت کے باعث وہ منگل کو عدالت میں پیش نہیں ہوسکے۔
Former President Ranil Wickremesinghe was granted bail by the Colombo Fort Magistrate’s Court. Instead of focusing on the pressing concerns of the people and the challenges confronting the country, particularly the need for sustained economic growth, the government continues to… pic.twitter.com/KBxZJfxSkK
— Shehan Semasinghe (@ShehanSema) August 26, 2025
رنیل وکرم سنگھے کا سیاسی سفر
رنیل وکرم سنگھے چھ مرتبہ سری لنکا کے وزیراعظم رہ چکے ہیں۔ جولائی 2022 میں گوٹابایا راجاپکشا کے عہدے سے ہٹنے کے بعد انہوں نے عبوری صدر کا عہدہ سنبھالا تھا۔ ستمبر 2024 میں ہونے والے صدارتی انتخابات میں وہ انورا کمارا دسانائیکا سے شکست کھا گئے، جو نیشنل پیپلز پاور پارٹی کے رہنما ہیں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
