سفارتی محاذ پرپڑوسی ملک پاکستان کی مثبت پیشرفت کا سلسلہ جاری ہے، حالیہ پیش رفت میں امیر کویت اور امیر قطر نے پاکستان کے وزیراعظم شہباز شریف کی دورہ پاکستان کی دعوت کو قبول کرلیا ہے۔پاکستانی خبررساں اداروں کے مطابق وزیراعظم شہباز شریف سے پاکستان میں کویت اور قطر کے سفراء نے علیحدہ علیحدہ ملاقاتیں کیں۔ملاقات میں کویت کے سفیر نے وزیراعظم کو امیرشیخ مشعل الحمد الجابر الصباح کا ایک خط پیش کیا، خط میں امیر کویت کی جانب سے دورہ پاکستان کی دعوت قبول کرنے کا پیغام دیا گیا ہے۔دوسری جانب قطر کے سفیر نے بھی وزیراعظم شہباز شریف کو شیخ تمیم بن حمد الثانی کا خط پیش کیا، جس میں امیر قطر نے دورہ پاکستان کی دعوت کو قبول کرنے کا پیغام دیا۔
اس موقع پر وزیراعظم شہباز شریف نے کہا کہ پاکستان قطر کے ساتھ اپنے برادرانہ تعلقات کو قدر کی نگاہ سے دیکھتا ہے۔واضح رہےکہ گزشتہ روز پاکستان میں تعینات کویت اور قطر کے سفیروں نے وزیراعظم شہباز شریف سے الگ الگ ملاقات کی۔کویتی سفیر نے وزیراعظم کو کویت کے امیر شیخ مشعل الاحمد کا خط پیش کیا جس میں امیر کویت کی جانب سے دورہ پاکستان کی دعوت قبول کرنے کا پیغام ہے۔
قطرکے سفیر نے بھی وزیراعظم کو امیر قطر شیخ تمیم بن حمد الثانی کا خط پیش کیا اور اس میں بھی امیر قطر نے دورہ پاکستان کی دعوت کو قبول کرنے کا پیغام دیا۔حالانکہ یہ معلوم نہیں ہو سکا کہ دونوں برادر اسلامی ممالک کے سربراہان کب پاکستان کا دورہ کریں گے۔اس دوران پاکستان کے وزیراعظم نے کہا کہ دونوں ممالک کو دارالحکومتوں کے درمیان وفود کے تبادلے کے ساتھ امیر قطر کے دورے کی تیاری شروع کرنی چاہیے تاکہ اس بات کو یقینی بنایا جا سکے کہ اعلیٰ سطح کا دورہ نتیجہ خیز اور کامیاب ہو اور اس کے نتائج دونوں ممالک کے لیے باہمی طور پر فائدہ مند ہوں۔
بھارت ایکسپریس۔
