بنگلہ دیش میں محمد یونس کی عبوری حکومت اصلاحات میں تاخیرسے متعلق احتجای مظاہروں سے جدوجہد کررہی ہے۔ چٹگاوں میں بھارتی اسسٹنٹ ہائی کمیشن کے باہرتشدد کے نتیجے میں دوپولیس اہلکاروں سمیت چارافراد زخمی ہوگئے۔ پولیس کے مطابق، جمعہ کی علی الصبح چٹگاوں کے علاقے کھلشی میں ہندوستانی سفارت خانے کے دفترکے باہرجمع ہونے والے مظاہرین نے اینٹ برسائے اوردفترکے احاطے میں توڑپھوڑکی۔ بنگلہ دیش میں ہندوستانی ہائی کمیشن نے جمعہ کے روزنوٹس جاری کرکے بنگلہ دیش میں رہنے والے ہندوستانی برادری کے اراکین اور ہندوستانی طلبا سے سفرسے بچنے کی اپیل کی ہے۔
بنگلہ دیش الیکشن کمیشن نے عثمان ہادی کی موت پرتعزیت کا اظہارکیا
بنگلہ دیش کے الیکشن کمیشن نے عثمان ہادی کی موت پرافسوس کا اظہارکیا ہے۔ تعزیتی پیغام میں الیکشن کمیشن نے کہا کہ ہادی بنگلہ دیش کے لئے پوری طرح وقف تھے، ایک جدوجہد کرنے والے شخص تھے اورنوجوانوں کی آواز تھے۔ ڈھاکہ یونیورسٹی میں شیخ مجیب الرحمٰن ہال کا نام بدل کر’شہید عثمان ہادی ہال’ کردیا ہے اوراس نام کے پوسٹربھی لگا دیئے ہیں۔ عثمان ہادی کی موت کے بعد کیمپس میں احتجاجی مظاہروں کے درمیان لیڈران نے نصف شب رات کوہال کے سامنے ایک پوسٹرلگایا، جس میں ہال کا نام ہادی کے نام پررکھا گیا تھا۔
شیخ حسینہ کی پارٹی پربڑا الزام
بنگلہ دیش کی عبوری حکومت شیخ حسینہ کی پارٹی عوامی لیگ عبوری حکومت پربدامنی پھیلانے کا الزام لگا رہی ہے۔ عوامی لیگ پرانتخابات میں حصہ لینے پر پابندی لگا دی گئی ہے۔ ملک میں الیکشن 12 فروری کوہونے والے ہیں۔ ڈھاکہ ٹریبیون کے مطابق، چٹگاوں میں بھی کئی مقامات پرمظاہرے پھوٹ پڑے۔ بھارتی اسسٹنٹ ہائی کمشنرکی رہائش گاہ کے سامنے ایک بڑا ہجوم جمع ہوگیا اورہائی کمیشن پراینٹیں پھینکیں۔ اس کے علاوہ شیخ حسینہ کی عوامی لیگ کی حکومت میں سابق وزیرتعلیم محب الحسن چودھری کے گھرمیں توڑپھوڑکی گئی اورآگ لگا دی گئی۔ راج شاہی میں عوامی لیگ کے دفترمیں بھی توڑپھوڑکی گئی اورآگ لگا دی گئی۔
صحافی کا قتل، وزیرکھیل کا بڑا بیان
بنگلہ دیش میں صحافی امداد الحق ملون کا گولی مارکرقتل کردیا گیا۔ پولیس نے بتایا کہ اس حادثہ میں ایک دیگرشخص زخمی ہوگیا ہے اوراسے اسپتال میں داخل کرایا گیا ہے۔ امداد الحق ملون شالوا پریس کلب کے صدرتھے۔ حملے کے وقت وہ شالوا بازارکی ایک چائے کی دوکان پربیٹھے چائے پی رہے تھے۔ اسی وقت دوموٹرسائیکلوں پرسوارچارلوگ اچانک آئے اوران پرگولیاں چلائیں اورتیزی سے بھاگ گئے۔ بنگلہ دیش کے وزیرکھیل آصف محمود سجیب بھوئیاں نے کہا، ‘جب بھی ہم اس ملک کے لئے متحد ہوتے ہیں، توکچھ مفاد پرست گروہ علیحدگی پسند سرگرمیاں کرکے ہمیں نقصان پہنچاتے ہیں، ہمیں تنازعات میں گھسیٹتے ہیں اورہماری جدوجہد پرسوالات کوجنم دیتے ہیں، ہم یہ واضح کرنا چاہتے ہیں کہ ہم آج کی اشتعال انگیزکارروائیوں میں ملوث افراد کی نشاندہی کررہے ہیں۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
