یو این آر ڈبلیو اے کے اسکول پر اسرائیلی حملے میں کم از کم 6 فلسطینی جاں بحق
اقوام متحدہ کی پناہ گزین ایجنسی کا کہنا ہے کہ وسطی غزہ پٹی میں المغازی پناہ گزین کیمپ میں یو این آر ڈبلیو اے کے اسکول کو نشانہ بنانے سے کم از کم چھ افراد ہلاک ہوگئے ہیں۔ گروپ کے کمشنر جنرل فلپ لزارینی نے ایک بیان میں کہا کہ “اسکول کو غزہ پٹی پر اسرائیلی فورسز کے فضائی حملوں اور بمباری کے دوران نشانہ بنایا گیا تھا۔ “انہوں مزید کہا کہ کم از کم 4,000 لوگوں نے اس UNRWA اسکول میں پناہ گاہ میں پناہ لی ہے۔ ان کے پاس پہلے بھی کہیں سر چھپانے کا آپشن نہیں تھا اور اب بھی نہیں ہے۔
🛑 At least 6 people were killed this afternoon when an @UNRWA school was hit in al-Maghazi refugee camp.
This is outrageous & it again shows a flagrant disregard for the lives of civilians.
No place is safe in📍#Gaza anymore, not even @UN facilities.
⬇️https://t.co/9yh38bCqvk— UNRWA (@UNRWA) October 17, 2023
البریج پناہ گزین کیمپ کو بھی بنایا گیا نشانہ
فلسطینی وزارت داخلہ کے مطابق منگل کے روز اسرائیلی فضائیہ نے وسطی غزہ میں دو گنجان آباد پناہ گزین کیمپوں کو نشانہ بنایا، جس کے نتیجے میں ہلاکتیں ہوئیں ہیں۔البریج پناہ گزین کیمپ کو نشانہ بنایا گیا ہے۔ الاقصیٰ اسپتال کے ایک ڈاکٹر کے مطابق وسطی غزہ میں کیمپ میں رہائشی عمارت کو نشانہ بنانے والے فضائی حملے کے نتیجے میں کم از کم 12 افراد ہلاک اور درجنوں زخمی ہوگئے۔حماس کے عسکری ونگ القسام بریگیڈز کے ایک بیان کے مطابق، بوریج پناہ گزین کیمپ پر حملے میں حماس کا ایک اعلیٰ سطحی کمانڈر ایمن نوفل “ابو احمد” کی بھی ہلاکت ہوئی ہے۔
غزہ میں ہلاکتوں کی تعداد 3000 تک پہنچ گئی: وزارت
وزارت صحت کے مطابق غزہ پٹی میں جاں بحق ہونے والے فلسطینیوں کی تعداد 3000 تک پہنچ گئی ہے۔ وزارت نے کہا کہ محصور ساحلی انکلیو میں 12,500 سے زیادہ زخمی ہوئے ہیں۔ مقبوضہ مغربی کنارے میں 61 فلسطینی جاں بحق اور 1250 سے زائد زخمی ہوئے ہیں۔
اسرائیل کے 302 فوجی ہلاک
اسرائیل میں 7 اکتوبر سے اب تک 302 اسرائیلی فوجیوں کی ہلاکت ہو چکی ہے۔ یہ اپڈیٹ اس وقت سامنے آیا ہے جب فوجی ترجمان ڈینیل ہگاری نے X پر ایک بار پھر اس بات کا اعادہ کیا کہ اسرائیلی افواج ” وسیع پیمانے پر جارحانہ منصوبوں پر عمل درآمد کرنے کی تیاری کر رہی ہیں”۔ اسرائیل نے اعلان جنگ کے بعد سے اب تک 360,000 ریزرو فورس کو تعینات کر دیا ہے۔
بھارت ایکسپریس۔
