ذرائع کے مطابق ہندوستانی ارب پتی گوتم اڈانی کی زیرقیادت گروپ کی حیفہ بندرگاہ اسرائیل پر ایرانی بیلسٹک میزائل حملے سے محفوظ رہی ہے اور کارگو آپریشن بغیر کسی رکاوٹ کے جاری ہے۔ ہفتے کی رات دیر گئے ایران نے اس ہفتے کے شروع میں ایرانی جوہری اور دیگر اہداف پر اسرائیلی کے حملے کے جواب میں اسرائیل کی حیفہ بندرگاہ اور قریبی آئل ریفائنری کو نشانہ بنایا ہے۔
اس معاملے سے باخبر دو ذرائع نے بتایا کہ ایرانی حملے بندرگاہ کے کیمیکل ٹرمینل میں گرے اور کچھ دیگر پروجیکٹائل آئل ریفائنری میں گرے۔ تاہم ان حملوں میں کوئی بھی زخمی نہیں ہوا ہے۔ وہیں حملوں کے باوجود اڈانی گروپ کی بندرگاہ اس حملے سے متاثر نہیں ہوئی۔ وہیں اڈانی گروپ کے گروپ سی ایف او نے بھی ایرانی حملے میں حیفہ پورٹ کی تباہی کی خبر کی تردید کی ہے۔
False. https://t.co/ZuvzY5Uvj5
— Jugeshinder Robbie Singh (@jugeshinder) June 15, 2025
خبر کے مطابق ’’اس وقت بندرگاہ پر آٹھ جہاز موجود ہیں اور کارگو آپریشن معمول کے مطابق ہے۔‘‘ذرائع نے واضح طور پر دعویٰ کیا کہ ایرانی بیلسٹک میزائل حملے سے بندرگاہ یا اس کے آپریشنز کو کوئی نقصان نہیں پہنچا۔ واضح رہے کہ حیفہ بندرگاہ ایک اہم سمندری مرکز کے طور پر کام کرتی ہے، جو اسرائیل کی 30 فیصد سے زیادہ درآمدات کو سنبھالتی ہے۔ اس کی ملکیت اڈانی پورٹس کے پاس ہے، جو اس کے 70 فیصد شیئر کو کنٹرول کرتی ہے۔
دونوں ممالک لگاتار کر رہے ہیں ایک دوسرے پر حملے
ہو سکتا ہے کہ میزائلوں نے بندرگاہ کے قریب ایک بڑی آئل ریفائنری کو نقصان پہنچایا ہو لیکن اس پر ہونے والے اثرات کے بارے میں کوئی آفیشیل بیان اب تک نہیں آیا ہے۔ اڈانی پورٹس یعنی اے پی ایس ای زیڈ کل 10.57 ملین ٹن کارگو ہینڈل کرتا ہے۔ اسرائیل نے جمعے کی صبح ایران پر حملہ کر کے اس کے جوہری، میزائل اور فوجی ڈھانچے کو نشانہ بنایا۔ بعد ازاں ایران نے اسرائیل پر جوابی حملے شروع کر دیے۔ دونوں ممالک نے اتوار کو تیسرے دن بھی حملے جاری رکھے ہیں۔
ایران نے کہا ہے کہ اسرائیل نے اس کے دو آئل ریفائنریوں پر حملہ کیا، جس سے ایران کی بھاری پابندی والی توانائی کی صنعت پر وسیع حملے کا امکان بڑھ گیا، جو عالمی منڈیوں کو متاثر کر سکتا ہے۔ وہیں کچھ ایرانی میزائلوں نے اسرائیل کے دفاعی نظام سے بچ نکلتے ہوئے ملک کے قلب میں واقع کچھ عمارتوں کو تباہ کیا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
