اٹلی میں ایئر فورس کے دو طیارے حادثہ کاشکار، پائلٹ کی ہوئی موت
Italian Plane Crash: اٹلی کی راجدھانی روم کے شمال مغرب علاقہ میں تربیتی مشق کے دوران ایک بھیانک حادثہ رونما ہوا ہے۔ منگل کے روز مشق کے دوران دو اٹلی کے ایئرفورس کے طیارے آسمان میں ایک دوسرے سے ٹکرا گئے۔ اٹلی کی وزیر اعظم جارجیا میلولنی (Giorgia Meloni) نے بتایا کہ حادثہ میں دو پائلٹوں کی موت ہوگئی ہے۔
فضائیہ کی جانب سے جاری کردہ پریس ریلیز کے مطابق دونوں پائلٹ U-208 تربیتی طیارہ اڑا رہے تھے اور تربیتی مشن میں حصہ لے رہے تھے۔
اے ایف پی کی رپورٹ کے مطابق فی الحال حادثے کے پیچھے کی وجوہات کا پتہ نہیں چل سکا ہے۔ اٹلی کی وزیر اعظم جارجیا میلونی نے کہا کہ ہمیں گائیڈونیا کے قریب تربیت کے دوران فضائیہ کے دو پائلٹوں کی موت کی خبر سے بہت دکھ ہوا ہے۔
طیارے کے حادثے کی ویڈیو
Circulating footage of the crash site near Rome, Italy, where two training Air Force aircrafts collided and both pilots are reportedly killed. #Italy pic.twitter.com/Y4sWF1OipS
— AlAudhli العوذلي (@AAudhli) March 7, 2023
اٹلی فضائیہ کے حادثے کا شکار ہونے والے طیارے کی ویڈیو سوشل میڈیا پلیٹ فارم ٹوئٹر پر بھی گردش کر رہی ہے۔ اس ویڈیو میں صاف طور پر دیکھا جا سکتا ہے کہ طیارہ سڑک کے کنارے کیسے جل رہا ہے۔ دو طیاروں میں سے ایک اپارٹمنٹ کے اطراف میں ایک تنگ کوریڈور میں گر کر تباہ ہو گیا۔ اسی دوران دوسرا طیارہ قریبی کھیت میں جا گرا۔ ویڈیو میں آپ دیکھ سکتے ہیں کہ لوگ دور کھڑے ہوئے ہیں۔ اس ویڈیو کو بے شمار لوگ دیکھ چکے ہیں۔
-بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
