Preity Zinta Scared Of Paparazzi: بالی ووڈ اداکارہ پریتی زنٹا اب آنے والے وقت میں عامرخان کے پروڈکشن ہاؤس کے بینرتلے بننے والی فلم ’لاہور1947‘ میں دکھائی دینے والی ہیں۔اس فلم میں پریتی زنتا کے ساتھ بالی ووڈ اداکارسنی دیول اورعظیم فنکارہ شبانہ اعظمی بھی نظرآنے والی ہیں۔ وہیں اس فلم کی ہدایت کاری راجکمار سنتوشی کررہے ہیں۔ اس درمیان پریتی زنٹا کا ایک ویڈیو سوشل میڈیا پروائرل ہو رہا ہے، جس میں وہ پیپرا جی کو دیکھ کریہ کہتے ہوئے نظرآرہی ہیں کہ آپ مجھے ڈرا رہے ہو۔ آئیے آپ کو بتاتے ہیں کہ کیا ہے پورا ماجرا؟
پیپراجی سے ڈرگئیں پریتی زنٹا
حال ہی میں پریتی زنٹا کو ممبئی کی ایک جگہ پراسپاٹ کیا گیا، لیکن اس دوران اداکارہ کچھ ڈری ڈری ہوئی نظرآئیں۔ ان کا یہ ویڈیو سوشل میڈیا پربھی خوب وائرل ہو رہا ہے۔ دراصل، جب پیپس اداکارہ کی تصاویراور ویڈیو کلک کررہے تھے تو وہ کچھ گھبرا جاتی ہیں اور پیپرا جی سے کہتی ہیں کہ آپ مجھے ڈرا رہے ہو۔ حالانکہ اس کے بعد پریتی زنٹا آرام سے پیپراجی کو پوزدیتی ہیں اور تصاویرکلک کرواتی ہیں۔ اس کے بعد اداکارہ پیپس کا شکریہ بھی ادا کرتی ہیں۔ ویڈیو میں دیکھا جاسکتا ہے کہ اس دوران پریتی زنٹا نے جم آؤٹ فٹ پہنا ہوا ہے۔
View this post on Instagram
یوزرس نے لگائی کلاس
وہیں اب پریتی زنٹا کا یہ ویڈیو انٹرنیٹ پرجم کر وائرل ہو رہا ہے اورتمام یوزرس اس پرتبصرہ کررہے ہیں۔ ایک سوشل میڈیا صارف نے لکھا، ”انہیں چلنے کے لئے تھوڑی جگہ دیں۔ ایسے میں زیادہ ترلوگ پیپراجی کو غلط بتا رہے ہیں اورکہہ رہے ہیں کہ انہیں اس طرح سے نہیں کرنا چاہئے۔“ ساتھ ہی ایک دوسرے صارف نے لکھا، ”یہ کیمرہ مین سبھی اداکارہ کو ہمیشہ فالو کرتے رہتے ہیں۔“ وہیں ایک دوسرے یوزر نے لکھا، ”آپ لوگوں کی پرائیویسی خراب کر رہے ہیں۔ اسے بند کریں۔ یہ فنی نہیں ہے۔“
بھارت ایکسپریس۔
