جھانوی کپور نے پنکج ترپاٹھی کے لیے مانگی تھی منت، مسٹر اینڈ مسز ماہی 31 مئی 2024 کو ریلیز ہونے کے لئے ہے تیار
2018 میں دھڑک کے ذریعے بالی ووڈ میں ڈیبیو کرنے والی اداکارہ جھانوی کپور اکثر کسی نہ کسی وجہ سے سرخیوں میں رہتی ہیں۔ ان دنوں وہ اپنی آنے والی فلم مسٹر اینڈ مسز ماہی کی تشہیر میں مصروف ہیں۔ اس اسپورٹس ڈرامہ فلم میں وہ راجکمار راؤ کے ساتھ اپنی اداکاری کا جادو دکھائیں گی۔ آپ کو بتاتے چلیں کہ یہ جھانوی کپور کی آٹھویں فلم ہے۔ وہ اس کی تشہیر میں بہت مصروف ہے۔ حال ہی میں جھانوی کپورسے ان کے پسندیدہ اداکار کے ساتھ کام کرنے کے بارے میں سوال کیا گیا ،جس کا انہوں نے چونکا دینے والا جواب دیا۔
جھانوی پنکج ترپاٹھی کے ساتھ کام کرنے کے لیے بے چین تھیں
جھانوی کپور حال ہی میں مسٹر اینڈ مسز ماہی کی تشہیر کے لیے دی للن ٹاپ پہنچی تھیں۔ وہاں انہوں نے گنجن سکسینہ کی شوٹنگ کے دوران ہونے والے واقعات کو یاد کیا۔ جھانوی کپور سے کہا گیا کہ وہ کسی اداکار کا نام بتائیں ۔جس کے ساتھ کام کرنا ان کی لسٹ میں شامل ہے۔ اس پر جھانوی کپورنے پنکج ترپاٹھی کا نام لیا۔ انہوں نے کہا کہ پنکج ترپاٹھی ان کی لسٹ میں شامل ہیں ۔جن کے ساتھ وہ کام کرنا چاہتی ہیں۔
جھانوی کپور پنکج ترپاٹھی کے لیے سبزی خور بن گئیں
جھانوی کپور نے مزید کہا کہ گنجن سکسینہ کے سیٹ پر موجود لوگ اچھی طرح جانتے ہیں کہ میں ان کی بہت بڑی مداح ہوں اور میں وہاں پاگلوں کی طرح برتاؤ کرتی تھی۔ میں نے اس فلم کے لئے ہاں کہا،ان کے لئے میں نے منت بھی مانگی تھی۔ یہی نہیں میں نے 10-12 دن تک نان ویج کھانا بھی چھوڑ دیا تھا اور مکمل سبزی خور بن گی تھی۔ جب مجھے معلوم ہوا کہ پنکج جی نے اس فلم کے لیے ہاں کہہ دی ہے تو میں بہت خوش ہوئی۔
پنکج ترپاٹھی نے جھانوی کے والد کا کردار ادا کیا
آپ کو بتاتے چلیں کہ جھانوی کپور نے سال 2020 میں ریلیز ہونے والی گنجن سکسینہ میں پائلٹ کا کردار ادا کیا تھا۔ ایک ایسی پائلٹ جس نے کارگل جنگ میں حصہ لیتی ہے۔ پنکج ترپاٹھی نے گنجن سکسینہ میں جھانوی کپور کے والد کا کردار ادا کیا تھا۔ پنکج ترپاٹھی فلم میں جھانوی کی مکمل حمایت کرتے نظر آ رہے ہیں۔ ماضی کے کئی انٹرویوز میں دونوں نے ایک دوسرے کی بہت تعریف کی ہے۔
مسٹر اینڈ مسز ماہی کب ریلیز ہو رہی ہے؟
جھانوی کپور کی مسٹر اینڈ مسز ماہی کی بات کرتے ہوئے، ہم نے اس فلم کے ٹریلر میں جھانوی اور راجکمار راؤ کے درمیان کیمسٹری دیکھی ہے۔ یہ ایک شادی شدہ جوڑے ماہی اور مہیما کی کہانی ہے۔ ماہی کا کرکٹر بننے کا خواب چکنا چور ہو گیا، اسے اس بات کا احساس اس وقت ہوا جب وہ اپنی بیوی کو کھیل سے محبت کرتے دیکھتا ہے۔ اس فلم کو شرن شرما نے ڈائریکٹ کیا ہے۔ اس کے سکرپٹ رائٹر نکھل مہروترا اور شرن شرما ہیں۔ زی اسٹوڈیوز اور دھرما پروڈکشنز کی طرف سے پیش کی جانے والی اس فلم کو کرن جوہر، ہیرو یش جوہر، اپوروا مہتا نے پروڈیوس کیا ہے۔ مسٹر اینڈ مسز ماہی 31 مئی 2024 کو بڑے پردے پر ریلیز ہونے کے لئے تیار ہے۔
بھارت ایکسپریس
