Ileana D'Cruz Quit Film Industry (Image Credit- Instagram)
Ileana D’Cruz Quit Film Industry: کئی فلموں میں نظرآچکیں ’برفی‘ اداکارہ الیانا ڈی کروز کافی وقت سے فلمی دنیا سے دور ہیں۔ اس وقت اداکارہ اپنے مدرہڈ کو انجوائے کررہی ہیں۔ حالانکہ ان کے فینس انڈسٹری اورفلموں میں ان کے کم بیک کا انتظارکررہے ہیں۔ اسی درمیان ان کے فینس کے لئے ایک بڑی خبرسامنے آرہی ہے، جو ان کو مایوس کرسکتا ہے۔ دراصل، ایسا دعویٰ کیا جا رہا ہے کہ اداکارہ اپنے فلمی سفرکو الوداع کہنے والی ہے۔ جی ہاں… ساتھ ہی یہ بھی دعویٰ کیا جا رہا ہے کہ اداکارہ جلد اپنی فیملی کے ساتھ امریکہ شفٹ ہوسکتی ہیں۔
View this post on Instagram
حالانکہ ان دعووں سے متعلق اداکارہ کی طرف سے کوئی آفیشیل جانکاری سامنے نہیں آئی ہے۔ یوایس اے کے ایک بڑے نیوز پورٹل ڈکن ہیرالڈ کے مطابق، الیانا ڈی کروزمبینہ طورپراپنے شوہرمائیکل ڈولن اوراپنے بیٹے کوا فینکس ڈولن کے ساتھ یوایس اے میں آباد ہونے جا رہی ہیں۔ ساتھ ہی پورٹل کا یہ بھی دعویٰ ہے کہ اداکارہ اپنے فلمی کیریئر کوالوداع کہہ سکتی ہیں۔
View this post on Instagram
کافی وقت سے فلمی دنیا سے دور ہیں الیانا ڈی کروز
حالانکہ الیانا ڈی کروزگزشتہ کافی وقت سے فلموں سے دورہیں۔ اداکارہ اسی سال اگست میں ماں بنی تھیں اورانہوں نے اسی کے ساتھ یہ بھی انکشاف کیا تھا کہ انہوں نے مائیکل ڈولن کے ساتھ مئی میں شادی کرلی تھی۔ اداکارہ شادی کے پہلے سے ہی حاملہ تھیں۔ ساتھ ہی رپورٹس میں یہ بھی دعویٰ کیا جا رہا ہے کہ اداکارہ کسی بھی فلم کے آفر کو قبول نہیں کر رہی ہیں کیونکہ وہ یوایس اے جانے کی منصوبہ بندی کر رہی ہیں۔ اداکارہ سوشل میڈیا پرکافی سرگرم رہتی ہیں۔ وہ اپنے شوہر اور بچے کے ساتھ تصاویراورویڈیوشیئر کرتی رہتی ہیں، جس سے یہ اندازہ تو لگایا جاسکتا ہے کہ فی الحال اداکارہ اپنی فیملی پرتوجہ مرکوز کر رہی ہیں۔
View this post on Instagram
View this post on Instagram
ان فلموں میں نظرآچکی ہیں اداکارہ
الیانا ڈی کروز نے اپنے کیریئر کی شروعات ماڈلنگ سے کی تھی، جس کے بعد محض 19 سال کی عمرمیں اداکارہ نے ساؤتھ فلموں سے ڈیبیو کیا ہے۔ اس کے بعد انہوں نے بالی ووڈ میں رنبیر کپور اور پرینکا چوپڑا کی فلم ’برفی‘ سے ڈیبیو کیا۔ اس کے بعد اداکارہ ’رستم‘، ’ریڈ‘ ’میں تیرا ہیرو‘ اور ’پاگل پنتی‘ جیسی کئی فلموں میں نظرآچکی ہیں۔
-بھارت ایکسپریس
