بالی ووڈ اسٹار امیتابھ بچن۔ (فائل فوٹو)
Amitabh Bachchan Health Update: بالی ووڈ کے شہنشاہ امیتابھ بچن کو طبیعت خراب ہونے کے بعد اسپتال میں داخل کرایا گیا ہے۔ بگ بی کو ممبئی کے کوکیلابین اسپتال میں داخل کرایا گیا ہے، جہاں ان کی اینجیوپلاسٹی کی گئی ہے۔
بگ بی نے ایکس اکاؤنٹ پرکیا پوسٹ
بھاسکرڈاٹ کام کی رپورٹ کے مطابق، بگ بی کو سخت سیکورٹی کے درمیان آج صبح اسپتال میں داخل کرایا گیا تھا۔ اس کے بعد ان کی اینجیوپلاسٹی ہوئی۔ بگ بی نے آج دوپہرمیں ایکس (جسے پہلے ٹوئٹرکے نام سے جانا جاتا تھا) پرپوسٹ کیا، “ہمیشہ شکرگزار”۔ مانا جا رہا ہے کہ سرجری کے بعد امیتابھ نے اپنے سوشل میڈیا پوسٹ کے ذریعہ اپنے فینس کے تئیں اظہارتشکرپیش کیا ہے۔
T 4950 – in gratitude ever ..
— Amitabh Bachchan (@SrBachchan) March 15, 2024
امیتابھ بچن نے جلسہ کے باہرفینس سے کی تھی ملاقات
واضح رہے کہ امیتابھ بچن کی بہت بڑی فین فالوئنگ ہے اوران کے فینس ان کی ایک جھلک پانے کے لئے بے تاب رہتے ہیں۔ بگ بی سے ملنے کے لئے ان کے گھرکے باہرفینس کا مجمع لگا رہتا ہے۔ وہیں، امیتابھ بچن بھی ہراتوار کو اپنے گھرجلسہ کے باہرفینس کے ساتھ ملاقات کرتے ہیں۔ گزشتہ روز امیتابھ بچن نے اپنے ایکس (ٹوئٹر) اکاؤنٹ پر فینس سے ملاقات کی یہ تصویر شیئرکی تھی۔
T 4949 (i) .. humbled beyond .. pic.twitter.com/qn3ZJbuGp8
— Amitabh Bachchan (@SrBachchan) March 14, 2024
بگ بی نے ابھیشیک بچن کے ساتھ اپنی ٹیم کی جیت کا منایا تھا جشن
بگ بی نے حال ہی میں بیٹے ابھیشیک بچن کے ساتھ آئی ایس پی ایل میں اپنی ٹیم کا جشن بھی منایا تھا۔ دراصل، انڈین اسٹریٹ پریمیئرلیگ (آئی ایس پی ایل) کا افتتاحی ایڈیشن چل رہا ہے۔ جمعرات 14 مارچ کو امیتابھ بچن اورابھیشیک بچن کی ٹیم ماجھی ممبئی نے چنئی سنگمس کوہراکر فائنل میں جگہ بنالی تھی۔ اس کے بعد دونوں اداکاروں نے اپنی ٹیم کے ساتھ اپنی جیت کا جشن منایا تھا۔
بھارت ایکسپریس۔
