امریکی سنگر میری ملبین اور پی ایم مودی۔
نئی دہلی: امریکہ کی مشہور گلوکارہ میری ملبین نے بھارت کے وزیر اعظم نریندر مودی کے ساتھ اپنے یادگار لمحات اور تجربات کے بارے میں آئی اے این ایس سے خصوصی گفتگو کی۔ اس دوران انہوں نے وزیر اعظم مودی کی قیادت کی بھرپور تعریف کی۔
وزیر اعظم مودی کے ساتھ اپنے سب سے یادگار لمحے کے بارے میں بات کرتے ہوئے میری ملبین نے کہا، ’’میرے پاس ان کی کچھ تصاویر ہیں۔ میں وزیر اعظم مودی کا بہت احترام کرتی ہوں۔ میرے لیے سب سے یادگار لمحہ وہ تھا جب 2023 میں اُس وقت کے امریکی صدر جو بائیڈن کے دورِ حکومت میں وزیر اعظم مودی امریکہ آئے تھے۔ وزیر اعظم مودی کے سامنے گانا گانے سے پہلے مجھے نیویارک میں یوگا ڈے منانے کے لیے مدعو کیا گیا تھا۔ میں نے خود کو بہت معزز محسوس کیا۔ وزیر اعظم مودی کو پُرسکون حالت میں دیکھنا میرے لیے پہلا موقع تھا۔ وہ بہت مہربان ہیں، انہوں نے وہاں موجود تمام نوجوانوں سے بات کی۔ یہ دیکھ کر مجھے بہت خوشی ہوئی۔‘‘
وزیر اعظم مودی کے ساتھ اپنے تجربے کے بارے میں انہوں نے کہا کہ وزیر اعظم مودی کو یوگا کرتے دیکھ کر میں بہت پرجوش ہو گئی۔ وہ بہت فِٹ ہیں۔ یہ واقعی ایک یادگار دن تھا۔ اُس دن یوگا پروگرام میں وہ شریک ہوئے اور نوجوانوں سے گفتگو کی۔ مجھے ان کی انسانیت اور نرمی کو قریب سے دیکھنے کا موقع ملا۔
اپنی کامیابی کے بارے میں بات کرتے ہوئے میری ملبین جذباتی ہو گئیں اور کہا، ’’مجھے لگتا ہے کہ میں ابھی بھی سیکھ رہی ہوں۔ سیکھنے کے لیے ابھی بہت کچھ باقی ہے۔ ابھی زندگی میں تجربہ کرنے کے لیے بہت مواقع ہیں۔ میں ہمیشہ سیکھتی رہنا چاہتی ہوں، ہمیشہ ایک طالبہ بنی رہنا چاہتی ہوں۔ شاید جب میں 95 سال کی ہو جاؤں گی تب میرے پاس اس کا جواب ہوگا۔‘‘
بھارت کے دورے اور آئندہ منصوبوں کے حوالے سے میری ملبین نے کہا، ’’میری سب سے بڑی خواہش ہے کہ میں بھارت آؤں اور یہاں پرفارم کروں۔ بھارت کی حکومت اور میری ٹیم کے درمیان مسلسل بات چیت جاری ہے۔ یہ میری غلطی ہے کہ اس میں تاخیر ہوئی۔ پچھلے دو سالوں سے بھارت میں انتخابات کی گہما گہمی تھی اور میں امریکہ میں صدارتی حلف برداری کی تیاری میں مصروف تھی۔ اسی لیے وقت لگا۔ میں بھارت آ کر کسانوں اور کاروباری خواتین سے ملاقات کرنا چاہوں گی۔ اگلے سال کے لیے میری یہی سب سے بڑی ترجیح ہے۔ میں مذہبی آزادی کے حوالے سے بھی بات کرنا چاہوں گی۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
