ڈی یو کیمپس میں طالب علم کا قتل کردیا گیا۔ (تصویر: اے این آئی)
Delhi News: دہلی یونیورسٹی کے ساوتھ کیمپس میں ایک طالب علم کا چاقو مارکرقتل کردیا گیا ہے۔ ابتدائی جانچ میں سامنے آیا ہے کہ ملزم اور متاثرہ نوجوان اتوار کے روز کالج میں کوئی اسپیشل کلاس کرنے آئے تھے۔ اسی درمیان دونوں میں کسی بات کو لے کر بحث ہوگئی۔ دونوں طرف سے ہوئی اس لڑائی میں نکھل چوہان نام کے طالب علم کو چاقو لگی، جس کی موت ہوگئی ہے۔ دہلی پولیس معاملے کی جانچ کر رہی ہے۔
نیوزایجنسی اے این آئی کے مطابق، یہ حادثہ دہلی یونیورسٹی کے آریہ بھٹ کالج کے پاس کا ہے۔ دہلی پولیس کی جانچ میں سامنے آیا ہے کہ دونوں طالب علم میں مارپیٹ ہوئی تھی۔ ملزم کی پہچان کرلی گئی ہے۔ دہلی پولیس اس کی تلاش میں مصروف ہوگئی ہے۔ وہیں چاقو لگنے سے ہلاک ہونے والے طالب علم کی لاش کو قبضے میں لے کر پوسٹ مارٹم کے لئے بھیج دیا گیا ہے۔
A student was stabbed to death in Delhi University’s South Campus. Preliminary investigation reveals that there was a fight between them. The accused has been identified and is being traced. Further investigation underway: Delhi Police pic.twitter.com/KrMx71oDT0
— ANI (@ANI) June 18, 2023
میڈیا رپورٹ کے مطابق، تنازعہ کی وجہ نکھل کی معشوقہ کو بتایا گیا ہے۔ رپورٹ میں کہا گیا ہے کہ تقریباً ایک ہفتے پہلے کالج میں نکھل کی گرل فرینڈ کے ساتھ کسی نے بدتمیزی کی تھی۔ اس دوران بھی دونوں فریق میں کہاسنی کے بعد مارپیٹ ہوئی تھی۔ حالانکہ بھی وجہ واضح نہیں ہے۔ پولیس معاملے کی جانچ میں مصروف ہوگئی ہے۔
یہ بھی پڑھیں: Delhi Firing: دہلی میں بدمعاش بے لگام، آرکے پورم میں 2 خواتین کو گولی مار دی گئی، علاج کے دوران دونوں کی موت
دہلی میں پہلے بھی چاقو بازی کا حادثہ ہوا
واضح رہے کہ اسی ماہ 9 جون کو بھی دہلی میں چاقو بازی کا حادثہ سامنے آیا تھا۔ شمال مشرقی دہلی میں ایک شخص پرسرعام چاقو سے حملہ کیا گیا تھا۔ حادثہ کے دوران وہاں موجود کسی بھی شخص نے متاثرہ کو بچانے کی ہمت نہیں دکھائی۔ معاملہ نندنگری علاقے کا بتایا جا رہا ہے۔ پورے واردات کا ویڈیو سوشل میڈیا پر وائرل ہے۔ اس سے قبل دو جون کو دہلی کے بدرپور علاقے میں بھی چاقوبازی ہوئی تھی۔ یہاں دو نوجوانوں نے سرعام ایک نوجوان پر چاقو سے کئی بار حملہ کیا تھا۔ سنگین حالت میں زخمی نوجوان کو ایمس میں داخل کرایا گیا تھا۔ یہ حادثہ بھی سی سی ٹی وی کیمرے میں قید ہوئی ہے۔
بھارت ایکسپریس۔
