خواتین پہلوانوں کے استحصال کے معاملے میں عدالت نے برج بھوشن سنگھ کو طلب کیا۔
Brij Bhushan Singh On Allegations: ریسلنگ فیڈریشن آف انڈیا کے صدر اور بی جے پی رکن پارلیمنٹ برج بھوشن سنگھ پر پہلوانوں نے جنسی استحصال جیسے سنگین الزامات عائد کرتے ہوئے جنتر منتر پر احتجاجی مظاہرہ کیا۔ اس معاملے پر اب برج بھوشن سنگھ کا بھی ردعمل سامنے آگیا ہے۔ انہوں نے کہا ہے کہ کیا کوئی ایسا ہے، جو سامنے سے آکر کہہ سکے کہ فیڈریشن نے کسی ایتھلیٹ کا استحصال کیا ہے۔ انہوں نے اپنی بات رکھتے ہوئے کہا کہ جیسے مجھے پتہ چلا کہ دھرنا دیا جا رہا ہے، الزام کیا ہے مجھے نہیں معلوم تھا، لیکن میں فوراً فلائٹ کا ٹکٹ لے کر آیا۔ سب سے بڑا الزام جو ونیش نے لگایا ہے، کیا کوئی سامنے ہے جو کہہ سکے کہ فیڈریشن نے کسی ایتھلیٹ کا استحصال کیا؟ کوئی تو ہونا چاہئے۔ کیا گزشتہ 10 سالوں سے انہیں فیڈریشن سے کوئی پریشانی نہیں تھی؟
اسٹارپہلوان ونیش پھوگاٹ نے فیڈریشن کے صدر پر جنسی استحصال کرنے کا الزام لگایا۔ اس کے بعد تقریباً ایک درجن پہلوان بدھ کے روز جنتر منتر پر جمع ہوئے اور احتجاج کیا۔ انہوں نے کہا کہ وہ برج بھوشن کے ذریعہ ذہنی استحصال سے متاثر تھیں۔ ونیش پھوگاٹ نے مزید کہا کہ انہوں نے خود کشی کرنے کا فیصلہ کرلیا تھا۔ وہیں ان کے الزامات پر برج بھوشن شرن سنگھ نے کہا کہ جنسی استحصال کا کوئی معاملہ نہیں ہوا ہے۔ اگر ایسا ہوا ہے تو میں پھانسی لگا لوں گا۔
Delhi | Is there any person in front who can say that the Federation harassed any athlete? : Brijbhushan Sharan Singh, President of Wrestling Federation of India & MP, on allegations of sexual harassment against him by wrestlers Vinesh Phogat & Sakshee Malikkh pic.twitter.com/aBYVWtAFbP
— ANI (@ANI) January 18, 2023
برج بھوشن نے کہی یہ بڑی بات
بی جے پی رکن پارلیمنٹ برج بھوشن سنگھ نے کہا کہ موضوع تب سامنے آتے ہیں، جب نئے نئے قواعد و ضوابط لائے جاتے ہیں۔ دھرنے پر بیٹھے پہلوانوں نے اولمپک کے بعد کسی بھی نیشنل ٹورنا منٹ میں حصہ نہیں لیا ہے۔ انہوں نے کہا کہ کسی بھی طرح کا استحصال نہیں ہوا ہے۔ اگر ہوا ہے تو میں پھانسی پر لٹک جاؤں گا۔ انہوں نے یہ بھی کہا کہ اس میں کسی بڑے آدمی کا ہاتھ ہے، کسی بڑے صنعت کار کا ہاتھ ہے۔ یہ سازش ہے۔
Delhi | I know about 10-20 accounts of sexual harassment faced by women wrestlers. Many coaches and referees have been involved. We will sit on protest until those guilty are not punished. No athlete will participate in any event: Wrestler Vinesh Phogat pic.twitter.com/uHpFs7fFN5
— ANI (@ANI) January 18, 2023
ونیش پھوگاٹ کے ساتھ برتاؤ پر برج بھوشن سنگھ نے کہا کہ میں ونیش پھوگاٹ سے پوچھنا چاہتا ہوں کہ انہوں نے اولمپک میں کمپنی کے لوگو والی پوشاک کیوں پہنی تھی؟ اس کے میچ ہارنے کے بعد، میں نے صرف اس کی حوصلہ افزائی کی۔ انہوں نے کہا کہ 97 فیصد کھلاڑی میرے ساتھ ہیں، چاہیں تو ووٹ کرالیجئے۔ انہوں نے یہ بھی کہا کہ جنسی استحصال ایک بڑا الزام ہے۔ جب میرا ہی نام اس میں گھسیٹا گیا ہے تو میں کیسے کارروائی کرسکتا ہوں؟ میں جانچ کے لئے تیار ہوں۔
-بھارت ایکسپریس
