Asian Games 2023: وزیر اعظم مودی ایشائی کھیلوں میں حصہ لینے والے کھلاڑیوں سے کریں گے ملاقات،دہلی کے میجر دھیان چند اسٹیڈیم میں ہوگا پروگرام

وزیراعظم  نریندر مودی  10 اکتوبر کو ایشیائی کھیلوں میں حصہ لینے والے ہندوستانی کھلاڑیوں سے ملاقات کریں گے۔ یہ پروگرام 10 اکتوبر 2023 کو شام 4 بجے میجر دھیان چند اسٹیڈیم، دہلی میں منعقد کیا جائے گا۔ اس دوران پی ایم مودی کھلاڑیوں سے خطاب بھی کریں گے۔ ہندوستانی کھلاڑیوں نے اس سال ایشین گیمز میں شاندار کارکردگی کا مظاہرہ کیا ہے۔ ہندوستانی ٹیم نے ایشین گیمز میں 28 گولڈ سمیت 107 تمغے جیتے ہیں۔ یہ ہندوستان کی بہترین کارکردگی ہے۔

ان مہمانوں کو دعوت نامہ دیا گیا

ایشین گیمز میں شرکت کرنے والے ہندوستانی دستے کے کھلاڑی، ان کے کوچ، ہندوستانی اولمپک ایسوسی ایشن کے عہدیدار، قومی کھیلوں کی فیڈریشنوں کے نمائندوں کے ساتھ ساتھ نوجوانوں کے امور اور کھیل کی وزارت کے عہدیدار بھی اس پروگرام میں شرکت کریں گے۔ معلومات کے مطابق مہمانوں کے لیے شاندار انتظامات کیے جا رہے ہیں۔

وزیراعظم نے 100 تمغے جیتنے پر کھلاڑیوں کو مبارکباد دی

اس سے پہلے ہفتہ کو پی ایم مودی نے 100 تمغے جیتنے پر کھلاڑیوں کو مبارکباد دی تھی۔ پی ایم مودی نے سوشل میڈیا پلیٹ فارم  ایکس پر لکھا کہ وہ 10 اکتوبر کو دستے کی میزبانی کریں گے اور کھلاڑیوں کے ساتھ بات چیت کریں گے۔ ہندوستان نے خواتین کی کبڈی ٹیم کی سنسنی خیز طلائی تمغہ جیت کے ساتھ 100 تمغوں کا ہندسہ حاصل کیا، جس نے فائنل میں چائنیز تائپے کو 26-25 سے شکست دی اور گروپ مرحلے میں اسی ٹیم کے خلاف 34-34 سے ڈرا کیا۔ پی ایم مودی نے مزید لکھا، “ہندوستانی کھلاڑیوں کی کارکردگی نے تاریخ رقم کی ہے اور ہمارے دلوں کو فخر سے بھر دیا ہے۔”