Ramesh Bidhuri Controversy Row: لوک سبھا اسپیکر نے کارروائی نہیں کی تو پارلیمنٹ بھی چھوڑ سکتے ہیں کنور دانش علی، رمیش بدھوڑی کے مسلم مخالف اور نازیبا تبصرہ سے بد ظن ہیں بی ایس پی رکن پارلیمنٹ

بہوجن سماج پارٹی (بی ایس پی) کے رکن پارلیمنٹ اورسینئرمسلم لیڈر کنوردانش علی بی جے پی رکن پارلیمنٹ رمیش بدھوڑی کے نازیبا اور متنازعہ تبصرہ سے انتہائی بدظن ہیں۔ دانش علی اس قدر بد ظن ہوگئے ہیں کہ وہ پارلیمنٹ تک چھوڑنے پرغورکر رہے ہیں۔ انہوں نے لوک سبھا اسپیکر اوم برلا کو خط لکھا ہے۔ انہوں نے اپنے خط میں لکھا ہے کہ ضابطہ 227 کے تحت معاملے کو خصوصی استحقاق کمیٹی (پریویلیج کمیٹی) کو بھیجا جائے۔ دانش علی نے کہا ہے کہ اگرلوک سبھا اسپیکراوم برلا کی طرف سے سخت کارروائی نہیں کی جاتی ہے تو وہ بھاری دل سے پارلیمنٹ چھوڑنے پرغورکرسکتے ہیں۔

#WATCH | On BJP MP Ramesh Bidhuri’s remarks, BSP MP Danish Ali says, “When this is the condition of an elected member like me then what will be the condition of a normal person. I hope, I will get justice, Speaker will conduct an enquiry or else with a heavy heart, I’m also… pic.twitter.com/5lMoLSkTEU

— ANI (@ANI) September 22, 2023

MP Danish Ali writes to Lok Sabha Speaker Om Birla regarding the speech given in Lok Sabha by BJP MP Ramesh Bidhuri; says, “I request you to refer this matter to the committee of privileges under rule 227 of the rules of procedure and conduct of business in Lok Sabha for… pic.twitter.com/w2AwZvKK1e

— ANI (@ANI) September 22, 2023

بی ایس پی رکن پارلیمنٹ دانش علی کی حمایت میں تمام اپوزیشن جماعتیں بھی میدان میں آگئی ہیں اور بی جے پی ایم پی رمیش بدھوڑی کے خلاف سخت سے سخت کارروائی کا مطالبہ کیا ہے۔ بی ایس پی، کانگریس، سماج وادی پارٹی، این سی پی، آرجے ڈی سمیت مختلف سیاسی جماعتیں اوران کے لیڈران نے بی جے پی رکن پارلیمنٹ رمیش بدھوڑی کے متنازعہ تبصرہ کے خلاف سخت ناراضگی کا اظہار کرتے ہوئے اسے بی جے پی اورآرایس ایس کی تربیت بتایا ہے۔

یہ بھی پڑھیں:  BJP MP Ramesh Budhuri Controversial Comment on BSP MP Danish Ali: بی جے پی ایم پی رمیش بدھوڑی نے پارلیمنٹ کو کیا شرمسار، بی ایس پی رکن پارلیمنٹ اور دانش علی پر کیا نازیبا اور انتہائی متنازعہ تبصرہ

 بہوجن سماج پارٹی (بی ایس پی) لیڈرکنوردانش علی نے بیان پرسخت اعتراض بھی ظاہرکیا۔ انہوں نے سوشل میڈیا ایکس پر لکھا، ”کیا آرایس ایس کی شاکھاؤں اورنریندر مودی جی کی لیبارٹری میں سکھایا جاتا ہے؟ آپ کا کیڈر جب ایک منتخب ہوئے رکن پارلیمنٹ کو پارلیمنٹ میں… ایسے توہین آمیز الفاظ کہنے میں کوئی کسر نہیں چھوڑتا تو وہ عام مسلمانوں کے ساتھ کیا کرتا ہوگا؟ یہ سوچ کربھی روح کانپ جاتی ہے۔‘‘

یہ بھی پڑھیں:  BJP Issues Notice to MP Ramesh Bidhuri: بی جے پی نے بی ایس پی رکن پارلیمنٹ دانش علی کے خلاف غیر پارلیمانی اور نازیبا الفاظ استعمال کرنے والے رمیش بدھوڑی کو بی جے پی نے جاری کیا نوٹس

وہیں معاملہ طول پکڑنے کے بعد بی جے پی کے قومی صدرجے پی نڈا نے پارٹی کے رکن پارلیمنٹ رمیش بدھوڑی کو غیرپارلیمانی اورنازیبا الفاظ کے استعمال پر جمعہ کے روز (22 ستمبر) کو وجہ بتاؤ نوٹس جاری کیا۔ رمیش بدھوڑی کو 15 دن میں نوٹس کا جواب دینا ہوگا۔ نوٹس میں رمیش بدھوڑی سے پوچھا گیا ہے کہ کیوں ان کے خلاف غیرپارلیمانی الفاظ کے استعمال کے لئے کارروائی نہ کی جائے۔

یہ بھی پڑھیں:   Danish Ali Wrote Letter against BJP MP Ramesh Bidhuri: کنور دانش علی نے رمیش بدھوڑی کے نازیبا تبصرہ پر لوک سبھا اسپیکر کو لکھا خط، ”پارلیمنٹ میں نہیں چھوڑتا تو عام مسلمانوں کے ساتھ کیا کرتا ہوگا؟‘‘

واضح رہے کہ بی جے پی رکن پارلیمنٹ رمیش بدھوڑی نے بروزجمعرات (21 ستمبر) کو لوک سبھا میں اپنے خطاب کے دوران بی ایس پی کے امروہہ سے رکن پارلیمنٹ کنوردانش علی کے خلاف انتہائی نازیبا، متنازعہ اورغیرپارلیمانی الفاظ کا استعمال کیا تھا، جس نے پارلیمنٹ کو بھی شرمسارکردیا ہے۔ رمیش بدھوڑی نے جن الفاظ کا استعمال کیا ہے، اس کو یہاں نہیں لکھا جاسکتا، لیکن وہ تمام نازیبا الفاظ سوشل میڈیا پر گردش کر رہے ہیں۔