بھارت نے سعودی عرب کے ساتھ کی بڑی ڈیل، دونوں ملک ہو جائیں گے امیر ؟
سعودی عرب کے ولی عہد شہزادہ محمد بن سلمان السعود کے ساتھ دوطرفہ بات چیت کے بعد وزیراعظم نریندرمودی نے کہا کہ ہندوستان کے لئے سعودی عرب ایک اہم سیاسی شراکت داروں میں سے ایک ہیں۔ ہندوستان اورسعودی عرب، دنیا کی دو بڑی اورتیزی سے بڑھتی معیشت ہیں۔ ایسے میں ہمارا آپسی تعاون پورے علاقے میں امن وامان اوراستحکام کے لئے اہم ہے۔
وزیراعظم مودی نے بتایا کہ دوطرفہ بات چیت کے دوران دونوں ممالک نے اپنی شراکت داری کو اگلے سطح پرلے جانے کے لئے کئی پہلوؤں کی پہچان کی ہے۔ آج کی بات چیت ہمارے تعلقات کو نئی توانائی اورسمت فراہم کرے گی۔ اس سے ہمیں انسانیت کی فلاح کے لئے مل کرکام کرنے کی ترغیب ملے گی۔ ساتھ ہی کہا کہ اقتصادی کاریڈور دونوں ممالک کے لئے بے حد اہم ہے۔
#WATCH | Prime Minister Narendra Modi and Crown Prince and Prime Minister of the Kingdom of Saudi Arabia Prince Mohammed bin Salman bin Abdulaziz Al Saud sign the minutes of the first meeting of the India-Saudi Strategic Partnership Council held at Hyderabad House in Delhi. pic.twitter.com/DB9B3MBZOA
— ANI (@ANI) September 11, 2023
تاریخی اکنامک کاریڈور شروع کرنے کا فیصلہ
وزیراعظم نریندرمودی نے بتایا کہ کل ہم نے ہندوستان، مغربی ایشیا اوریوروپ کے درمیان تاریخی اکنامک کاریڈور شروع کرنے کا فیصلہ لیا۔ یہ اکنامک کاریڈورصرف دو ممالک کو نہیں جوڑے گا۔ بلکہ ایشیا، مغربی ایشیا اوریوروپ کے درمیان اکنامک گروتھ اورڈیجیٹل کنکٹیوٹی کوبڑھانے میں مدد کرے گا۔ ساتھ ہی کہا کہ سعودی عرب کے ولی عہدہ شہزادہ محمد بن سلمان کے وزن 2023 اورلیڈرشپ میں سعودی عرب شانداراکنامک گروتھ حاصل کر رہا ہے۔
#WATCH | Prime Minister Narendra Modi says, “…For India, Saudi Arabia is one of its most important strategic partners. As two large and fast-growing economies of the world, our mutual cooperation is important for peace and stability in the entire region. In our talks, we have… pic.twitter.com/q72iT4rFvU
— ANI (@ANI) September 11, 2023
سعودی عرب کے ولی عہدہ محمد بن سلمان السعود نے کہا، “ہندوستان اورسعودی عرب کے رشتوں میں کبھی کڑواہٹ نہیں رہی ہے۔ اس (ہندوستان-سعودی عرب) رشتے کی تاریخ گواہ ہے، لیکن ہمارے ملک کے مستقبل کی تعمیراورمواقع پیدا کرنے کے لئے تعاون کی آج کے وقت میں ضرورت ہے۔ آج ہم مستقبل کے مواقع پرکام کررہے ہیں۔ میں آپ کوجی-20 سربراہی اجلاس کے انتظام اورحاصل کئے گئے اقدامات پرمبارکباد پیش کرتا ہوں، بشمول مشرق وسطیٰ، ہندوستان اور یورپ کو جوڑنے والا اقتصادی راہداری، جس کی ضرورت ہے کہ ہم اس کی تعمیرکے لئے تندہی سے کام کریں۔”
بھارت ایکسپریس۔
