بھیم آرمی چیف چندر شیکھر پر حملہ کرنے والے ملزم گرفتار۔
بھیم آرمی سربراہ اور آزاد سماج پارٹی کے بانی چندرشیکھر پر سہارنپور کے دیوبند علاقے میں جان لیوا حملہ ہوا ہے۔ چندرشیکھر بدھ کو دیوبند کے دورے پر پہنچے تھے، تبھی ان کے قافلے پر نامعلوم حملہ آوروں نے فائرنگ کردی، جس میں وہ زخمی ہوگئے ہیں۔ ابتدائی جانکاری کے مطابق، گولی ان کے کمر کو چھوتے ہوئے نکل گئی ہے۔ فی الحال انہیں نزدیکی اسپتال میں علاج کے لئے داخل کرایا گیا ہے۔
اس حملے کے بعد ایک ویڈیو سامنے آیا ہے، جس میں کارپرگولیوں کے نشان واضح طورپرنظرآرہے ہیں اور کارکے شیشے بھی ٹوٹے ہوئے ہیں۔ چندرشیکھر پر حملے کی اطلاع ملنے کے بعد فوراً موقع پر پولیس پہنچ گئی ہے اور جانچ پڑتال شروع کردی ہے۔ آس پاس کے پورے علاقے کی گھیرا بندی کردی گئی ہے اور حملہ آوروں کو پکڑنے کی کوشش میں ٹیمیں مصروف ہوگئی ہیں۔ ساتھ ہی سی سی ٹی وی فوٹیج بھی کھنگالے جا رہے ہیں۔
भीम आर्मी नेता और आज़ाद समाज पार्टी – कांशी राम के प्रमुख चंद्र शेखर आज़ाद को उत्तर प्रदेश के सहारनपुर में एक अस्पताल ले जाया गया, जब उनके काफिले पर कुछ हथियारबंद लोगों ने हमला किया और एक गोली उनके पास से निकल गई। अधिक जानकारी की प्रतीक्षा है। pic.twitter.com/dX7CWnuOxK
— ANI_HindiNews (@AHindinews) June 28, 2023
نامعلوم حملہ آوروں نے کی فائرنگ
بتایا جا رہا ہے کہ حملہ آورہریانہ نمبر کی کار سے آئے تھے۔ انہوں نے چندرشیکھر کی کار پر تابڑ توڑ فائرنگ شروع کردی۔ اس فائرنگ میں چندرشیکھر کی کار کے شیشے ٹوٹ گئے ہیں۔ حملے میں زخمی ہوئے چندر شیکھر کی حالت خطرے سے باہر بتائی جا رہی ہے۔
چندرشیکھرآزاد پر حملے کے بعد ان کے حامیوں میں ناراضگی پائی جا رہی ہے۔ حامی ریاست کے لا اینڈ آرڈر پر سوال اٹھا رہے ہیں اور حملہ آوروں کی جلد ازجلد گرفتاری کا مطالبہ کر رہے ہیں۔ فی الحال، پولیس حامیوں کو سمجھانے کی کوشش کر رہی ہے اور حملہ آوروں کو جلدازجلد گرفتار کرنے کی کوشش میں مصروف ہے۔
بھارت ایکسپریس۔
