The preacher of Arafa for this year:ہر سال کی طرف امسال کیلئے بھی خطیب عرفہ کا انتخاب عمل میں آچکا ہے اور اس سال حج کا خطبہ دینے کیلئے خطیب کے نام کا اعلان بھی کردیا گیا ہے۔ سعودی عرب نے رواں سال خطبہ حج دینے کیلئے الشیخ ڈاکٹر یوسف بن محمد بن عبدالعزیز بن سعید کے نام کا اعلان کیا ہے چونکہ فرمانروا خادم الحرمین شریفین شاہ سلمان بن عبدالعزیز نے اس نام کو پہلے ہی منظوری دے دی تھی، اس لئے اسلامی سال 1444 کے خطبہِ حج کی سعادت امام شیخ ڈاکٹر یوسف بن محمد بن سعید حاصل کریں گے۔ رپورٹ کے مطابق ڈاکٹر یوسف بن محمد مسجد نمرہ میں نماز ظہر اور عصر کی امامت بھی کریں گے۔ عرب میڈیا کے مطابق خطیب عرفہ کے بطور ڈاکٹر یوسف بن محمد کی تقرری کا مراسلہ جاری کردیا گیا ہے۔تقرری نامے میں اُن کے ساتھ شیخ ڈاکٹر ماھر بن حمد المعیقلی کو المسجد الحرام کے مبلغ اور ہنگامی صورت میں سیکنڈ آپشن کے طور امام مقرر کیا گیا ہے۔ حج کا رکن اعظم وقوف عرفہ منگل 27 جون کو ادا کیا جا رہا ہے۔ اس دن دیا جانے والا خطبہ پوری دنیا میں تقریباً تمام ہی زبانوں میں ترجمے کے ساتھ براہ راست نشر کیا جائے گا۔
کون ہیں ڈاکٹر یوسف بن محمد بن سعید
خیال رہے کہ شیخ ڈاکٹر یوسف بن محمد بن سعید ’’امام محمد بن سعود اسلامی یونیورسٹی‘‘ میں عقیدہ ومعاصر ادیان کے پروفیسر اور قومی تعلیم عامہ کی سائنسی کمیٹی سے متعلق سمپوزیم کے رکن بھی رہے ہیں۔شیخ ڈاکٹر یوسف نے ریاض کے کالج آف فنڈامینٹلز آف ریلیجن سے بیچلر اور پھر ماسٹر کی ڈگری حاصل کی۔ علاوہ ازیں متعدد سائنسی مقالوں کی نگرانی کی اور ان پر متعدد یونیورسٹیوں میں گفتگو کی ہے۔ ڈاکٹر یوسف بن محمد سعودی وزارت اسلامی امور کے نائب وزیر بھی ہیں۔سربرآوردہ علما کونسل کے رکن ہیں جبکہ مسجد الحرام کے امام و خطیب شیخ بندر بلیلہ کو احتیاطی طور پر امام مقرر کیا گیا ہے۔حرمین شریفین انتظامیہ کے سربراہ شیخ ڈاکٹر عبد الرحمن السدیس نے سعودی قیادت کا شکریہ ادا کرتے ہوئے شیخ یوسف بن سعید کو مبارکباد پیش کی ہے۔
خطيب عرفة “بن سعيد”..
سيرةٌ عطرة لعالمٍ جليل..كرّس حياته في العلم الشرعي وأصول العقيدة#بسلام_آمنين
— أخبار السعودية (@SaudiNews50) June 19, 2023
سب سے زیادہ عرفات میں خطبہ دینے والے خطیب
خیال رہے کہ تیسری سعودی ریاست کے دور میں گزشتہ ایک سو سال کے دوران 14 خطیبوں نے یوم عرفہ کا خطبہ دیا ہے۔عرفات میں واقع مسجد نمرہ میں سب سے زیادہ خطبہ دینے والے سعودی عرب کے مفتی اعظم شیخ عبد العزیز آل الشیخ ہیں جنہوں نے 34 مرتبہ خطبہ دیا ہے۔ دوسرے نمبر پر شیخ عبد اللہ بن حسن آل الشیخ ہیں جنہوں نے مسلسل 25 سال تک عرفہ کا خطبہ دیا ہے۔ واضح رہے کہ سعودی عرب میں ذی الحج کا چاند اتوار کو نظر آیا، اس کے مطابق حج کا رکن اعظم وقوف عرفہ 27 جون بروز 9 ذی الحج کو ادا کیا جائے گا، جس کے بعد عازمین مزدلفہ کی جانب روانہ ہوں گے اور 10 ذی الحج یعنی 28 جون کو قربانی کریں گے۔
بھارت ایکسپریس۔
