خالصتانی حامیوں کی قابل مذمت حرکت
آپریشن بلیو اسٹار کی برسی سے دو روز قبل کینیڈا کے شہر برامپٹن میں خالصتانی حامیوں نے پانچ کلومیٹر طویل پریڈ نکالی تھی۔ جس میں سابق وزیر اعظم اندرا گاندھی کے قتل کا منظر بھی جھانکی میں شامل کی گیا تھا۔ جھانکی میں سابق وزیر اعظم کو گولی مارتے ہوئے دکھایا گیا تھا۔ پریڈ کی ویڈیو کانگریس لیڈر ملند دیورا نے شیئر کیا ہے۔ جس کے لیے کانگریس جنرل سکریٹری جے رام رمیش نے اس کی سخت مذمت کرتے ہوئے اسے ایک بزدلانہ حرکت قرار دیا ہے۔ اس کے علاوہ وزیر خارجہ ایس۔ جے شنکر سے اس معاملے پر کینیڈا کی حکومت سے بات کرنے کا مطالبہ کیا ہے۔
بتا دیں کہ آپریشن بلیو اسٹار کی برسی 6 جون کو تھی، اس سے دو دن پہلے 4 جون کو کینیڈا کے شہر برامپٹن میں خالصتانی حامیوں نے پانچ کلومیٹر طویل پریڈ نکالی تھی، جس میں سابق وزیر اعظم اندرا گاندھی کے پتلے کو جھانکی میں شامل کرتے ہوئے سین ریکریٹ کیا گیا تھا۔ اس ویڈیو کو شیئر کرتے ہوئے کانگریس لیڈر ملند دیورا نے لکھا ہے کہ ایک ہندوستانی کے طور پر میں کینیڈا کے برامپٹن میں ہوئی 5 کلومیٹر لمبی پریڈ سے حیران ہوں، جس میں اندرا گاندی کے قتل کو دکھایا گیا ہے، یہ کسی کی طرفداری کی بات نہیں ہے، یہ ایک ملک کی تاریخ کے تئیں عزت و احترام اور اس کے وزیر اعظم کے قتل کی وجہ سے ہوئے درد کے متعلق ہے۔ اس انتہا پسندی کی عالمی مذمت اور متحد ردعمل کی ضرورت ہے۔
As an Indian, I’m appalled by the 5km-long #parade which took place in the city of Brampton, Canada, depicting the assassination of #IndiraGandhi.
It’s not about taking sides, it’s about respect for a nation’s history & the pain caused by its Prime Minister’s assassination.… pic.twitter.com/zLRbTYhRAE
— Milind Deora | मिलिंद देवरा ☮️ (@milinddeora) June 7, 2023
دوسری جانب ٹویٹر پر اس ویڈیو کو ری ٹویٹ کرتے ہوئے جے رام رمیش نے بھی اس کی سخت الفاظ میں مذمت کی ہے۔ انہوں نے لکھا کہ “میں مکمل طور پر متفق ہوں۔ یہ قابل مذمت ہے اور وزیر خارجہ ڈاکٹر ایس جے شنکر کو یہ معاملہ کینیڈا کے حکام کے ساتھ اٹھانا چاہئے۔
واضح رہے کہ آپریشن بلیو سٹار کے چند ماہ بعد 31 اکتوبر 1984 کو اس وقت کی وزیر اعظم اندرا گاندھی کو ان کے ہی محافظوں نے گولی مار کر ہلاک کر دیا تھا۔ جسے ملزمان نے آپریشن بلیو سٹار کا بدلہ قرار دیا۔
بھارت ایکسپریس۔
