لکھنو کے سروجنی نگر میں تقریب کے دوران رکن اسمبلی راجیشور سنگھ سے گفتگو کرتے ہوئے سی ایم یوگی آدتیہ ناتھ
اترپردیش کے وزیراعلیٰ یوگی آدتیہ ناتھ نے راجدھانی لکھنو کے سروجنی نگر میں ڈیزاسٹر منجمنٹ کے بھون کا سنگ بنیاد رکھا ہے ۔ اس دوران سروجنی نگر سے بی جے پی کے رکن اسمبلی راجیشور سنگھ بھی تقریب میں موجود رہے ۔ وزیراعلیٰ یوگی آدتیہ نے اس تقریب سے خطاب بھی کیا ۔ انہوں نے اپنے خطاب میں کہا کہ ڈیزاسٹر منجمنٹ بھون کی تعمیر ہونے چیزیں آسان ہوں گی۔ ریاست میں ہر آفت سے نپٹنے اور کم سے کم نقصان ہو ، اس کو مدنظر رکھتے ہوئے ڈبل انجن کی ہماری سرکار مسلسل کام کررہی ہے۔
وزیراعلیٰ یوگی آدتیہ ناتھ نے پروگرام کے دوران قدرتی آفات میں راحت وبچاو کے مشن میں ہاتھ بٹانے والوں کو اعزازیہ دینے کا اعلان کیا ہے۔ ساتھ ہی ساتھ آفات کے وقت راحت رسانی کے مشن میں بہترین خدمات انجام دینے والے این ڈی آر ایف اور ایس ڈی آر ایف کے افسران اور جوانوں کو سپاس نامہ دے کر ان کو اعزاز بخشا۔ وزیراعلیٰ یوگی آدتیہ ناتھ نے کہا کہ ہم نے 2017 میں آیس ڈی آر ایف کی تین بٹالین کی تشکیل کی تھی۔ ایس ڈی آر ایف کا اب خود کا اپنا ہیڈکوارٹر ہے ۔ اس کے پاس آفات سے نپٹنے کیلئے اپنے وسائل ہیں ۔
उप्र 20 से अधिक प्रमुख नदियों वाला राज्य है, प्रदेश की 27 लाख हेक्टेयर भूमि बाढ़ के कारण जलमग्न हो जाती है, पश्चिमी उप्र Seismic Zone – 4 में आता है।
आदरणीय @myogiadityanath जी लगातार आपदा प्रबंधन की व्यवस्थाओं को मजबूत कर रहे हैं जो प्रदेश को सुरक्षित करने की ओर बढ़ता एक… pic.twitter.com/HwMRDrrv7Y
— Rajeshwar Singh (@RajeshwarS73) June 1, 2023
وہیں بی جے پی کے رکن اسمبلی راجیشور سنگھ نے کہا کہ وزیراعلی یوگی آدتیہ ناتھ کا تپوبل اتنا ہے کہ کوئی بھی آفت اترپردیشن کو چھو نہیں سکتی ہے۔ وزیراعلیٰ یوگی آدتیہ ناتھ کی سمجھداری اور بہترین قیادت نے کورونا جیسے وبا کو بھی پوری طرح سے کنٹرول کرلیا۔ بتادیں کہ ڈیزاسٹر منجمنٹ بھون کی تعمیر 1.5ایکڑ زمین پر کی جارہی ہے جس پر قریب 66.10 کروڑ روپئے کا خرچ آئے گا۔
-بھارت ایکسپریس
