اروناچل پردیش: ریاست کے نوجوانوں اور سلامتی کے نظام کے لیے ہفتہ کا دن خاص رہا۔ مرکزی وزیر داخلہ امت شاہ نے اٹانگر کے قریب بانڈردیوا واقع پولیس تربیتی اکیڈمی میں منعقدہ تقریب کے دوران پولیس سمیت مختلف عہدوں پر منتخب 932 نو تقرر شدہ اہلکاروں کو اپنے ہاتھوں سے تقرری نامے سونپے۔ اس سے قبل انہوں نے اروناچل پردیش پولیس کو ملک کی کسی بھی پولیس فورس کو ملنے والے اعلیٰ ترین اعزاز ’پریزیڈنٹس پولیس کلر‘ یعنی صدر کا پولیس پرچم بھی عطا کیا۔
چھ زمروں میں کی گئی بھرتیاں
وزیر اعلیٰ پیما کھانڈو نے تمام منتخب امیدواروں کو مبارک باد دیتے ہوئے بتایا کہ یہ تقرریاں چھ الگ الگ زمروں میں کی گئی ہیں۔ ان میں اسپیشل ٹائیگر پروٹیکشن فورس کے 243 اہلکار، انڈین ریزرو بٹالین کے 235 کانسٹیبل، سول پولیس کے 211 مرد اور 157 خاتون کانسٹیبل، 72 فائر مین اور اروناچل رائفلز کی انڈین ریزرو بٹالین کے 14 بینڈ اہلکار شامل ہیں۔وزیر اعلیٰ پیما کھانڈو نے تقریب میں شرکت کرکے اپنے ہاتھوں سے تقرری نامے تقسیم کرنے پر وزیر داخلہ امت شاہ کا شکریہ ادا کیا۔ انہوں نے نئے اہلکاروں کے روشن اور کامیاب مستقبل کے لیے نیک خواہشات کا اظہار بھی کیا۔
سلامتی کا نظام ہوگا مزید مضبوط
اس موقع پر نائب وزیر اعلیٰ چونا مین، ریاست کے وزیر داخلہ ماما ناتوگ اور پولیس کے ڈائریکٹر جنرل راجیش کمار بھی موجود تھے۔ نائب وزیر اعلیٰ چونا مین نے کہا کہ وزیر داخلہ کی موجودگی سے تقریب کی اہمیت میں اضافہ ہوا ہے۔ اس بھرتی سے نہ صرف ریاست کا سلامتی کا نظام مضبوط ہوگا بلکہ نوجوانوں کے لیے روزگار کے نئے مواقع بھی پیدا ہوں گے۔انہوں نے امید ظاہر کی کہ نئے اہلکار پوری لگن اور نظم و ضبط کے ساتھ ریاست کی خدمت کریں گے۔وہیں، ریاست کے وزیر داخلہ ماما ناتوگ نے بھی اعتماد ظاہر کیا کہ نئی ذمہ داری ہر اہلکار کو ہمت، نظم و ضبط اور ایمانداری کے ساتھ عوام کی خدمت کرنے کی ترغیب دے گی۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔




