گورکھپور: بھارتیہ جنتا پارٹی (بی جے پی) کے قومی صدر نتن نبین نے گورکھپور دورے کے دوسرے دن جمعرات کو گورکھ ناتھ مندر پہنچ کر پوجا ارچنا کی۔ مندر پہنچنے پر وزیراعلیٰ یوگی آدتیہ ناتھ نے انہیں گلدستہ پیش کرکے استقبال کیا۔ اس کے بعد سنسکرت مہاودیالیہ کے پرنسپل نے ویدک رسم و رواج کے مطابق پوجا مکمل کرائی۔ اس موقع پر وزیراعلیٰ یوگی آدتیہ ناتھ، ریاستی انچارج ونود تاوڑے، ریاستی صدر پنکج چودھری اور رکن پارلیمنٹ روی کشن بھی موجود تھے۔ وزیر اعلیٰ نے انہیں یادگاری نشان بھی پیش کیا۔
#WATCH | Gorakhpur: BJP National President Nitin Naveen and Uttar Pradesh CM Yogi Adityanath offer prayers at Gorakhnath Temple in Gorakhpur. https://t.co/zDNcluYO6g
— ANI (@ANI) November 5, 2026
گورکھ ناتھ مندر سے روانہ ہونے کے بعد بی جے پی کے قومی صدر مرکزی وزیر کملیش پاسوان کی رہائش گاہ گئے۔ اس کے بعد وہ انیکسی بھون پہنچیے، جہاں صبح 10:15 بجے سے بی جے پی کے سابق عہدیداروں کے ساتھ میٹنگ طے تھی۔ اس میٹنگ میں گورکھپور خطے کے مختلف اضلاع کے گزشتہ تین میعاد کے ضلعی صدور اور دیگر عہدیدار شرکت کررہے ہیں۔ میٹنگ تقریباً دو گھنٹے تک جاری رہنے کی توقع ہے۔
سابق ارکان پارلیمنٹ اور اسمبلی سے بھی ملاقات
اس کے بعد نتن نبین سابق ارکان پارلیمنٹ، سابق ارکان اسمبلی، سابق ضلع پنچایت صدور، سابق بلاک پرمکھوں اور سابق نگر پنچایت صدور کے ساتھ میٹنگ کریں گے۔ یہ اجلاس تقریباً سوا گھنٹے تک چلے گا۔ دوپہر 12:30 بجے سے گورکھپور خطے کے عہدیداروں، اس خطے میں رہنے والے ریاستی عہدیداروں اور سابق ضلعی صدور کے ساتھ بھی میٹنگ طے ہے۔ گورکھپور میں مختلف تنظیمی میٹنگوں میں شرکت کے بعد نتن نوین دوپہر 3 بجے نئی دہلی کے لیے روانہ ہو جائیں گے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
