نئی دہلی: بہار کے ایک نوجوان کو مصنوعی ذہانت (اے آئی) کی مدد سے فرضی ویڈیو بنا کر سوشل میڈیا پر پوسٹ کرنا مہنگا پڑ گیا۔ نوجوان نے کرناٹک اسمبلی کی عمارت کو دھماکے سے اڑاتے ہوئے دکھانے والی ایک ویڈیو انسٹاگرام پر پوسٹ کی تھی۔ ویڈیو وائرل ہونے کے بعد بنگلورو پولیس کی نظر اس پر پڑی، جس کے بعد پولیس نے فوری کارروائی کرتے ہوئے نوجوان کو گرفتار کر لیا۔ ملزم کی شناخت حضرت علی شعیب (25) کے طور پر ہوئی ہے، جو بہار کے ارریہ ضلع کا رہنے والا ہے۔
ویڈیو میں کرناٹک اسمبلی کو دھماکے سے اڑاتے ہوئے دکھایا
یہ معاملہ اس وقت سامنے آیا جب بنگلورو پولیس کی سوشل میڈیا ٹیم کی نظر انسٹاگرام پر پوسٹ کی گئی ایک ویڈیو پر پڑی۔ یہ ویڈیو @jnx_king_h_g نامی اکاؤنٹ سے شیئر کی گئی تھی۔ویڈیو کے آغاز میں کرناٹک اسمبلی کی عمارت ’ودھان سودھا‘ دکھائی دیتی ہے۔ اس کے بعد مصنوعی ذہانت کی مدد سے عمارت میں زبردست دھماکا ہوتے ہوئے دکھایا گیا ہے۔ ویڈیو کے ساتھ کیپشن میں لکھا تھا، ’’اسمبلی کو بم سے اڑا دیا۔‘‘فرضی ویڈیو کے ذریعے خوف و ہراس پھیلانے کے الزام میں بنگلورو پولیس نے معاملے کا نوٹس لیتے ہوئے کارروائی شروع کی۔
Bengaluru Police arrested a 25-year-old Bihar native for allegedly creating & posting an AI-generated video depicting a bomb blast at Vidhana Soudha on Instagram.
The video, posted on Tuesday, showed an explosion at the state legislature building. Police registered an FIR & traced the account using digital clues.
The accused, a daily-wage pipe fitter, is in police custody. Investigators are probing his motive & possible involvement of others.
— ChristinMathewPhilip (@ChristinMP_) October 21, 2026
آئی پی ایڈریس کے ذریعے ملزم تک پہنچی پولیس
ویڈیو وائرل ہونے کے بعد پولیس کی سائبر ٹیم نے معاملے کی جانچ شروع کی۔ سب سے پہلے ویڈیو پوسٹ کرنے والے شخص کے انٹرنیٹ پروٹوکول (آئی پی) ایڈریس کا سراغ لگایا گیا۔ اس کی مدد سے ملزم کی جگہ کا پتہ لگایا گیا اور اسے گرفتار کر لیا گیا۔پولیس کے مطابق، ملزم بہار کے ارریہ ضلع میں بیرگچھھی تھانہ علاقے کے کوشکی پور گاؤں کا رہنے والا ہے۔ پوچھ گچھ کے دوران اس نے اپنی شناخت حضرت علی شعیب (25) کے طور پر بتائی۔
روزگار کے لیے بنگلورو منتقل ہوا تھا نوجوان
بتایا جا رہا ہے کہ حضرت علی شعیب چند ماہ قبل کام کی تلاش میں بنگلورو منتقل ہوا تھا۔ اسی دوران اس نے مصنوعی ذہانت کی مدد سے کرناٹک اسمبلی میں دھماکے کی فرضی ویڈیو تیار کرکے سوشل میڈیا پر پوسٹ کی۔پولیس نے ویڈیو کو سنجیدگی سے لیتے ہوئے ملزم کے خلاف کارروائی کی۔ اس واقعے نے ایک بار پھر مصنوعی ذہانت سے تیار کی جانے والی فرضی ویڈیوز کے غلط استعمال اور سوشل میڈیا کے ذریعے خوف و ہراس پھیلانے کے خدشات کو اجاگر کیا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
