نئی دہلی: سینئر صحافی پائل مہتا کا 46 سال کی عمر میں انتقال ہوگیا۔ ان کے اچانک اور بے وقت انتقال پر وزیر اعظم نریندر مودی، مرکزی وزیر داخلہ امت شاہ، وزیر دفاع راج ناتھ سنگھ، وزیر ریلوے و اطلاعات و نشریات اشونی ویشنو، پارلیمانی امور کے وزیر کرن رجیجو اور آسام کے وزیر اعلیٰ ہمنتا بسوا سرما سمیت کئی رہنماؤں نے گہرے رنج و غم کا اظہار کیا ہے۔پائل مہتا ممبئی کے دورے پر تھیں، جہاں اچانک ان کی طبیعت خراب ہوگئی۔ انہیں رات تقریباً 2 بجے اسپتال لے جایا گیا، علاج شروع ہونے سے قبل ہی ان کی نبض رک گئی۔
Sad to share that @payalmehta100 is no more.
On a visit to Mumbai she developed uneasiness. Around 2 am she was taken to the hospital.
Before any treatment could be administered her pulse went silent.
Yesterday by mistake I had dialled her number at 10.49 pm.
She responded… pic.twitter.com/d3rSst7feo— Sheela Bhatt शीला भट्ट (@sheela2010) September 20, 2026
وزیر اعظم مودی نے کہا- ان کی صحافت میں قومی امور کی گہری سمجھ نظر آتی تھی
Payal Mehta Ji was a hardworking journalist who remained firmly connected to the ground, bringing a deep understanding of national issues to her reporting.
Beyond her work, she will be remembered for the kindness and warmth with which she touched so many lives. Her sudden and… pic.twitter.com/4uG7MmzGol
— Narendra Modi (@narendramodi) September 20, 2026
وزیراعظم نریندر مودی نے سوشل میڈیا پلیٹ فارم ’ایکس‘ پر پائل مہتا کے انتقال پر تعزیت کرتے ہوئے کہا کہ وہ ایک محنتی صحافی تھیں، جو زمینی حقائق سے مضبوطی سے جڑی ہوئی تھیں اور قومی امور کی گہری سمجھ ان کی صحافت میں واضح طور پر نظر آتی تھی۔وزیر اعظم نے کہا کہ پائل مہتا کو ان کے کام کے ساتھ ساتھ ان کے محبت بھرے اور مخلصانہ رویے کے لیے بھی یاد کیا جائے گا، جس کے ذریعے انہوں نے بہت سے لوگوں کی زندگیوں کو متاثر کیا۔انہوں نے کہا کہ ان کا اچانک اور بے وقت انتقال انتہائی افسوسناک ہے۔ وزیر اعظم نے ان کے اہل خانہ، دوستوں اور ساتھیوں سے تعزیت کا اظہار کرتے ہوئے کہا کہ خدا انہیں اس مشکل وقت میں طاقت دے۔ ’اوم شانتی‘۔
وہ پارلیمنٹ، حکومت اور بی جے پی کی خبریں کور کرتی تھیں
پائل مہتا کو ایک محنتی صحافی کے طور پر جانا جاتا تھا۔ وہ پارلیمنٹ، حکومت اور بھارتیہ جنتا پارٹی (بی جے پی) سے متعلق خبروں کی کوریج کرتی تھیں۔سینئر صحافی شیلا بھٹ نے ’ایکس‘ پر بتایا کہ پائل ممبئی کے دورے پر تھیں، اسی دوران ان کی طبیعت اچانک خراب ہوگئی۔ رات تقریباً 2 بجے انہیں اسپتال لے جایا گیا، لیکن علاج شروع ہونے سے پہلے ہی ان کی نبض رک گئی۔
امت شاہ نے کہا- صحافت کے لیے ناقابل تلافی نقصان
مرکزی وزیر داخلہ امت شاہ نے پائل مہتا کو مختلف امور پر تفصیلی معلومات فراہم کرنے کے لیے پرعزم ایک ماہر صحافی قرار دیا۔ انہوں نے کہا کہ ایسی باصلاحیت اور وقف صحافی کا بے وقت انتقال صحافتی دنیا کے لیے ناقابل تلافی نقصان ہے۔امت شاہ نے سوگوار خاندان اور دوستوں سے گہری تعزیت کا اظہار کرتے ہوئے دعا کی کہ بھگوان انہیں اس گہرے دکھ کو برداشت کرنے کی طاقت دے۔ انہوں نے ’اوم شانتی‘ کہا۔
راج ناتھ سنگھ نے بھی کیا گہرے دکھ کا اظہار
وزیر دفاع راج ناتھ سنگھ نے کہا کہ پائل مہتا بہت جلد انہیں چھوڑ کر چلی گئیں۔ انہوں نے کہا کہ پائل انتہائی محنتی اور وقف صحافی تھیں، جنہوں نے پوری وابستگی اور پیشہ ورانہ انداز میں پارلیمنٹ سے متعلق خبروں کی کوریج کی۔راج ناتھ سنگھ نے کہا کہ پارلیمنٹ کے اجلاس کے دوران پائل صبح سے دیر رات تک وہاں موجود رہتی تھیں اور کارروائی پر مسلسل نظر رکھتے ہوئے پوری دیانت داری سے اپنی ذمہ داری نبھاتی تھیں۔انہوں نے ان کے اہل خانہ اور دوستوں سے دلی تعزیت کا اظہار کیا اور کہا کہ بھگوان انہیں اس ناقابل تلافی نقصان کو برداشت کرنے کی طاقت دے۔
اشونی ویشنو نے کہا- رپورٹنگ کے لیے ان کی لگن قابل تقلید تھی
وزیر ریلوے اور اطلاعات و نشریات کے وزیر اشونی ویشنو نے بھی ’صحافی اور عزیز دوست پائل مہتا‘ کے بے وقت انتقال پر افسوس کا اظہار کیا۔انہوں نے کہا کہ رپورٹنگ کے لیے پائل کی لگن قابل تقلید تھی۔ انہوں نے بھی ’اوم شانتی‘ کہا۔
کرن رجیجو نے کہا- انتقال کی خبر سے صدمہ پہنچا
پارلیمانی امور کے وزیر کرن رجیجو نے کہا کہ پائل مہتا کے انتقال کی خبر سے انہیں شدید صدمہ پہنچا ہے۔انہوں نے بتایا کہ کچھ دن قبل ہی وہ پائل کے والد کی دعائیہ مجلس میں شریک ہوئے تھے۔ رجیجو نے کہا کہ پارلیمنٹ کے اجلاس کے دوران پائل بھی ان کی طرح باقاعدگی سے پارلیمنٹ آتی تھیں اور وہ ایک سچی پیشہ ور صحافی تھیں۔انہوں نے پائل مہتا کی روح کے سکون کے لیے دعا کی اور ’اوم شانتی‘ کہا۔
ہمنتا بسوا سرما نے کہا- وہ اپنے کام کے ساتھ رشتوں کو بھی اہمیت دیتی تھیں
آسام کے وزیر اعلیٰ ہمنتا بسوا سرما نے بھی پائل مہتا کے انتقال پر دکھ کا اظہار کیا۔ انہوں نے کہا کہ وہ انہیں طویل عرصے سے جانتے تھے۔ پائل انتہائی زندہ دل تھیں اور جو بھی کام کرتی تھیں، اس میں اپنی توانائی اور جوش بھر دیتی تھیں۔ہمنتا بسوا سرما نے کہا کہ پائل کی سب سے خاص بات یہ تھی کہ وہ اپنے کام کے لیے پوری طرح وقف ہونے کے ساتھ ساتھ اپنے رشتوں کو بھی بہت اہمیت دیتی تھیں۔انہوں نے پائل مہتا کے اہل خانہ سے گہری تعزیت کا اظہار کرتے ہوئے پرارتھناکی کہ انہیں اس مشکل وقت سے گزرنے کی طاقت ملے۔ انہوں نے پائل کی روح کی ابدی سکون کے لیے بھی پرارتھناکی۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
